Žalmi 104:31 - Le Devleskero Lav Andre Romaňi Čhib Slovensko 2021

³¹ E slava le RAJESKRI mi ľikerel pro furt! Mi radisaľol o RAJ olestar, so kerďa!

Žalmi 104:31 ပူးပေါင်းရင်းမြစ်များ

1. Mojžišoskro 1:31

O Del dikhľa savoro, so kerďa, a sas oda igen mištes. Sas rat a sas tosara, šovto džives.

Žalmi 102:16

O narodi pes darana le RAJESKRE navestar; savore kraľa pre phuv pes darana tira slavatar,

2. Mojžišoskro 31:17

Kada ela pro znameňje maškar mande the mire manuša pro furt, bo o RAJ tel o šov dživesa kerďa o ňebos the e phuv, ale eftato džives preačhiľa te kerel a odpočovinelas.“

Izajaš 62:5

Sar o terno čhavo peske lel romňake pačivaľa čha, avke peske tut lena ola, ko tut ačhavena, a sar o terno radisaľol la terňatar, avke radisaľola tiro Del tutar.

Jeremijaš 32:41

Ela man radišagos olestar, hoj lenge presikavav o lačhipen cale mire jileha the caľa mira dušaha a čačes len sadzinava andre kadi phuv pro furt.

Sofonijaš 3:17

O RAJ, tiro Del, hino tuha, o zoralo hrďinas, savo zachraňinel. Thovel andre tu baro baripen, peskre kamibnaha tut del o nevo dživipen, andro radišagos upral tute giľavela zorales.“

Rimanenge 11:36

Bo lestar, prekal leste a leske hin savoro! Leske e slava pro furt! Amen.

Galaťanenge 1:5

Leske mi džal e slava pro furt. Amen.

2. Timoteoske 4:18

O Raj man the cirdela avri andral savoro nalačhipen a zachraňinela man a lela andre peskro ňeboskro kraľišagos. Leske mi džal e slava pro furt! Amen.

Židenge 13:21

tumen mi vizbrojinel andre savoro lačhipen, hoj te keren leskri voľa. Ov andre amende mi kerel oda, so hin leske pre dzeka, prekal o Ježiš Kristus. Leske mi džal e slava na veki vekov. Amen.

1. Peter 5:11

Leske e slava the e zor pro furt. Amen.

2. Peter 3:18

Ale baron andre milosť le Rajeskri, hoj feder te prindžaren le Ježiš Kristus, amare Rajes the Spasiťeľis. Leske e slava the akana the pro furt! Amen.