Žalmi 104:21 - Le Devleskero Lav Andre Romaňi Čhib Slovensko 2021

²¹ O terne ľevi gravčinen pal e korisť; le Devlestar mangen o chaben.

Žalmi 104:21 ပူးပေါင်းရင်းမြစ်များ

O Job 38:39

Či tu strades e korisť la ľevicake? Či tu des te chal le bokhale terne ľeven,

O Job 38:41

Ko pes starinela pal o chaben prekal o havranos, sar leskre cikne vičinen ko Del a bludzinen bi o chaben?“

Žalmi 145:15

Savore jakha pre tu dikhen a užaren pre tu, a tu len des te chal akor, sar lenge kampel.

Žalmi 147:9

Ov del te chal le džviren the le cikne havranen, sar vičinen.

Žalmi 34:10

Tumen, leskre manušale, daran le RAJESTAR, bo olen, ko pes lestar daran, hin savoro, so lenge kampel.

Izajaš 31:4

O RAJ ke ma prevakerďa kavke: „Sar o ľevos vaj o terno ľevocis gravčinel upral peskri korisť – kajte pre leste vičindehas but pasťjeren, na predarala lendar a na denašela het lengra vikatar – ipen avke avela tele o Nekzoraleder RAJ, hoj pes te marel pro verchos Sion, upre pre leskro špicos.

Joel 1:18

Joj, sar bučinel o dobitkos, bokhatar o stadi phiren upre tele, bo nane len ňič pre maľa; the o bakrane stadi cerpinen.

Joel 1:20

The o dziva džviri ke tute vičinen, bo šučile avri o paňa, so čuľanas, a e jag zlabarďa the lengri čar.

Joel 2:22

Ma daran tumen, dziva džvirale, bo e čar pre maľa hiňi pale zeleno a o stromi anen ovocje; o figovňikos the o viňičis anen baro uľipen.

Amos 3:4

Či gravčinela o ľevos andro veš, te les na ela korisť? Či kerela vika o terno ľevos andral peskro than, te ňič na chudňa?