Žalmi 103:5 - Le Devleskero Lav Andre Romaňi Čhib Slovensko 2021

⁵ Čaľarel tiro dživipen le lačhe vecenca a terňarel tut, hoj te aves zoralo sar orlos.

Žalmi 103:5 ပူးပေါင်းရင်းမြစ်များ

O Job 33:25

Akor ela leskro ťelos švižeder sar andro terňipen; ela pale terno the zoralo.

Žalmi 104:28

Sar len des te chal, kiden oda upre; sar phundraves o vast, čaľon le lačhe chabenestar.

Žalmi 107:9

bo le smednen del te pijel paňi a le bokhalen čaľarel le lačhe chabeneha.

Žalmi 23:5

Pripravines mange o skamind anglo jakha mire ňeprijaťeľenge. O šero mange makhes le olejoha; miri kuči prečuľal.

Žalmi 63:5

Lašarava tut, medik ča dživava, andre tiro nav hazdava o vasta.

Žalmi 65:4

Sar amen thovel tele amaro nalačhipen, tu amenge odmukes amare bini.

Izajaš 40:31

Ale ola, ko užaren pro RAJ, chuden e nevi zor, ľecinen sar orli le kridlenca; denašen a nane strapimen, phiren a šoha na slabisaľon.

Hozeaš 2:15

Marava la vaš ola dživesa, sar labarelas o kaďidlos le Baalenge, sar pes šukaľarelas le čeňenca the angrusenca, sar phirelas pal peskre pirane, ale pre ma bisterďa,“ phenel o RAJ.

2. Korinťanenge 4:16

Vašoda amen na slabisaľuvas, ale kajte amaro avruno manuš merel, o andruno manuš hino neveder džives so džives.

1. Timoteoske 6:17

Le barvalenge andre kada svetos phen, hoj pes te na ľidžan upre a te na pes muken pro barvaľipen, so nane isto, ale pro džido Del, savo amen del barvales sa, so amenge kampel pro bachtalo dživipen.

Jozua 14:11

Mek the adadžives som ajso zoralo, sar somas akor, sar man bičhaďa o Mojžiš. Ajsi zor, savi man sas akor, te džal andro mariben, ajsi man hin the adadžives.