Žalmi 103:3 - Le Devleskero Lav Andre Romaňi Čhib Slovensko 2021

³ Ov tuke odmukel savore tire bini a sasťarel tut andral dojekh nasvaľiben.

Žalmi 103:3 ပူးပေါင်းရင်းမြစ်များ

2. Samueloskro 12:13

Akor phenďa o David le Natanoske: „Kerďom binos anglo RAJ.“ Ov leske odphenďa: „O Raj tuke odmukľa tiro binos a na mereha.

Žalmi 130:4

Ale tu amenge odmukes, hoj amen te el sveto dar angle tu.

Žalmi 130:8

Ov počinela vaš o Izrael vaš savore leskre bini.

Žalmi 147:3

sasťarel olen, kas hin dukh andro jilo, a phandel lenge o rani.

Žalmi 30:2

RAJEJA, bararav tut, bo tu man zachraňinďal a na domukľal, hoj te radisaľon ola, ko pre ma džan.

Žalmi 41:8

Savore, ko man našťi avri ačhen, peske pal ma šepkinen andro kana a gondoľinen peske pre ma avri o nalačhipen.

Žalmi 86:5

Bo tu, RAJEJA, odmukes a sal lačho, hin tut pherdo kamiben ke ola, ko pre tute vičinen.

2. Mojžišoskro 15:26

A phenďa: „Me som o RAJ tiro Del, te man šunena a kerena oda, so hin angle mire jakha lačho, a te doľikerena mire zakoni the prikazaňja, na domukava pre tumende ňisavo nasvaľiben, sar domukľom pro Egipťana, bo me, o RAJ, som oda, ko tut sasťarel.“

2. Mojžišoskro 34:7

Me presikavav e milosť le ezerenge a odmukav o nalačhipena, o vzburi the o bini, no the avke potrestinav dojekh binos: Vaš le dadengre bini marav lengre čhaven dži andro trito the štarto pokoleňje.“

Izajaš 33:24

Ňiko olendar, ko bešen andre amari phuv, na phenela: „Som nasvalo.“ Olenge, ko ode bešen, pes odmukena o bini.

Izajaš 38:17

Dikh, miri bari žaľa mange sas pro lačho. Tire kamibnaha mange zachraňinďal o dživipen le meribnastar; bo savore mire bini čhiďal pal tiro dumo.

Izajaš 43:25

Me, Me Som oda, ko tuke odmukel o bini; kerav oda prekal mande a imar šoha mange na leperava pre tire bini.

Izajaš 53:5

No ov sas predemado vaš amare bini, zorales mardo vaš amare nalačhipena; pre leste sas thodo o trestos, hoj pre amende te avel o smirom, a leskre ranenca sasťiľam avri.

Jeremijaš 17:14

Sasťar man, RAJEJA, a avava sasto, zachraňin man a avava zachraňimen, bo tu sal oda, kas lašarav.

4. Mojžišoskro 12:13

Avke o Mojžiš chudňa te vičinel pro RAJ: „Devla, mangav tut, sasťar la!“

Marek 2:5

Sar dikhľa o Ježiš lengro pačaben, phenďa le kaľikoske: „Čhavo miro, odmukle tuke hine o bini.“

Efežanenge 1:7

Andre leste sam avricinde, prekal leskro rat amenge hin odmukle o bini. Igen bari hin e milosť le Devleskri,

Jakob 5:15

A e modľitba andro pačaben sasťarela le nasvales a o Raj les hazdela upre. Te kerďa bini, odmukela pes leske.