Žalmi 102:13 - Le Devleskero Lav Andre Romaňi Čhib Slovensko 2021

¹³ Ale tu, RAJEJA, bešes pro tronos pro furt, pre tute pes na bisterela andre ňisavo pokoleňje.

Žalmi 102:13 ပူးပေါင်းရင်းမြစ်များ

Žalmi 135:13

RAJEJA, tiro nav hino večno, pal tiri slava, RAJEJA, pes vakerela pal jekh pokoleňje pre aver.

Žalmi 44:26

Se amen našľiľam andro prachos; pašľuvas le mujeha pre phuv.

Žalmi 51:18

Se tu na kames e obeta, bo me tuke anďomas; e labarďi obeta tuke nane pre dzeka.

Žalmi 7:6

akor muk les, hoj pre ma te avel a te zalel man, te zamarel le pindrenca miro dživipen andre phuv, a te mukel man te pašľol bi e pačiv andro prachos.

Žalmi 75:2

Lašaras tut, Devla, lašaras tut, bo tiro nav hino pašes; o manuša vakeren pal tire zazraki.

Žalmi 90:2

Tu salas sigeder, sar sas stvorimen o verchi, sigeder, sar kerďal calo svetos, čirlastar salas a furt aveha Del.

Žalmi 92:9

Ale tu, RAJEJA, kraľines upral savoreste pro furt.

2. Mojžišoskro 3:15

A mek o Del phenďa le Mojžišoske: „Le Izraelitenge phen kada: ‚O RAJ man bičhaďa man ke tumende, o Del tumare dadengro – o Del le Abrahamoskro, le Izakoskro the le Jakoboskro. Kada hin miro nav pro furt, savo tumenge leperena a saveha man vičinena pokoleňje pro pokoleňje.‘

Izajaš 14:32

A sar kampel te odphenel le poslenge andral kada narodos? Kavke: ‚O RAJ zathoďa o Sion, andre leste pes garuvena leskre manuša, so cerpinen.‘ “

Izajaš 40:2

Vakeren jileha ko Jeruzalem, a den leske te džanel, hoj pes skončinďa leskri otrocko služba, hoj sas počimen vaš leskri vina, hoj imar chudňa le RAJESKRE vastestar dvojito trestos vaš peskre savore bini.

Izajaš 60:1

„Ušťi a švicin, bo avľa tiro švetlos a le RAJESKRI slava švicinel pre tu.

Jeremijaš 31:23

Kada phenel o Nekzoraleder RAJ, o Del le Izraeloskro: „Sar len anava pale andral o zajaťje, o manuša andre judsko phuv the andre lakre fori pale phenena kala lava: ‚Sveto verchona, pre savo bešel o spravodľišagos, mi požehňinel tut o RAJ!‘

Daniel 12:9

Odphenďa: „Daniel, dža, bo kala lava hine ľikerde andro garuďipen a zapečaťimen dži o posledno časos.

Skutki 1:7

O Ježiš lenge odphenďa: „Oda nane tumari veca te džanel o dživesa, abo te prindžarel o časi, save o Dad diňa peskra zoraha.

Galaťanenge 4:4

Ale sar pes naplňinďa o časos, bičhaďa o Del peskre Čhas, savo uľiľa la džuvľatar, uľiľa tel o zakonos,

2. Peter 3:12

Tumen, so igen užaren pre oda Džives le Devleskro, a kamen, hoj te avel sig. Andre oda Džives ela o ňebos zňičimen la jagaha a o ňeboskre ťelesa rozdžana le bare tačipnastar?

2. Peter 3:8

Ale pre kadi jekh veca ma bisteren, mire lačhe phralale, hoj jekh džives hin ko Raj sar ezeros (1 000) berša a ezeros berša sar jekh džives.