Žalmi 102:12 - Le Devleskero Lav Andre Romaňi Čhib Slovensko 2021

¹² Mire dživesa našľon sar račakro ciňos; šučuvav avri sar čar.

Žalmi 102:12 ပူးပေါင်းရင်းမြစ်များ

O Job 14:2

Kvitňisaľol sar e kvitka a šučol avri, našľol sar o ciňos a na ľikerel avri.

O Job 8:9

Se amen sam ča idžeskre a na džanas ňič, bo amare dživesa pre phuv hine ča sar ciňos.

Žalmi 109:23

Našľuvav avke sar o ciňos rači, som sar e kobilka razimen tele.

Žalmi 135:13

RAJEJA, tiro nav hino večno, pal tiri slava, RAJEJA, pes vakerela pal jekh pokoleňje pre aver.

Žalmi 9:7

Amare ňeprijaťeľa hine zňičimen pro furt; lengre fori čhiďal tele; na ačhiľa pal lende aňi o leperiben.

Žalmi 90:6

Tosara rozkvitňinel a barol, rači šučol avri a merel.

2. Mojžišoskro 3:15

A mek o Del phenďa le Mojžišoske: „Le Izraelitenge phen kada: ‚O RAJ man bičhaďa man ke tumende, o Del tumare dadengro – o Del le Abrahamoskro, le Izakoskro the le Jakoboskro. Kada hin miro nav pro furt, savo tumenge leperena a saveha man vičinena pokoleňje pro pokoleňje.‘

Izajaš 44:6

„Kada phenel o RAJ, o kraľis le Izraeloskro, leskro Vikupiťeľis, o Nekzoraleder RAJ: Me som o ešebno the o posledno; aver Del nane, ča me.

Izajaš 60:15

Kajte salas omuklo foros, savo našťi avri ačhenas, a prekal savo ňiko na predžalas, me tutar kerava baro the šukar; o radišagoskro than pro furt.

Roviben le Jeremijašiskro 5:19

Tu, RAJEJA, kraľines pro furt; tiro tronos ľikerel pal jekh pokoleňje pre aver.

5. Mojžišoskro 33:27

O Del, so dživel pro furt, hin tiro than pro garuďipen a ľikerel tut pre peskre večna vasta. Tradela tutar tire ňeprijaťeľen a phenela tuke, hoj len te zňičines.

Židenge 13:8

O Ježiš Kristus hino oda jekh idž, adadžives the na veki.