Žalmi 101:8 - Le Devleskero Lav Andre Romaňi Čhib Slovensko 2021

⁸ Sako tosara ňičinava savore nalačhe manušen andre phuv. Tradava avri savoren, ko keren o nalačhipen, andral o foros le RAJESKRO.

Žalmi 101:8 ပူးပေါင်းရင်းမြစ်များ

Žalmi 46:4

kajte leskre paňa hučinena a peňinena a kajte o brehi razisaľona le bare vlnendar.

Žalmi 48:2

Baro hino o RAJ a hodno bara chvalake andro foros amare Devleskro pre leskro sveto verchos.

Žalmi 48:8

Izdranas avke sar o loďi andral o Taršiš, sar lenca e balvaj pal o vichodos razinďa.

Žalmi 75:10

Ale me furt vakerava pal tute, giľavava o chvali tuke, Devla le Jakoboskro.

Žalmi 92:10

Se dikh, RAJEJA, tire ňeprijaťeľa! Se dikh, tire ňeprijaťeľa našľona! Savore, ko keren o nalačhipen, pes rozdenašena.

Prislovja 16:12

Le kraľenge džungľol o binošna skutki, bo le čačipnaha o tronos zoraľol.

Prislovja 20:26

O goďaver kraľis avel pre oda, ko hin nalačhe, a marel len igen zorales.

Prislovja 20:8

O kraľis, savo bešel pro sudno stolkos, sprindžarel peskre jakhenca savoro, so hin nalačho.

Jeremijaš 21:12

kher le Davidoskro! Kada phenel o RAJ: ‚Sako džives sudzinen spravodľivones a len avri le občorarde manušes andral o vasta oleske, ko les trapinel, hoj te na chudel te labol miri choľi sar jag vaš tumare nalačhe skutki, so keren, a te na rozlabol avke, hoj la ňiko našťi murdarela andre.‘ “

Hozeaš 9:3

Na ačhena te bešel andre phuv le RAJESKRI; o Efrajim džala pale andro Egipt a andre Asirija chana o nažužo chaben.

Micheaš 3:9

Šunen kada, tumen, so ľidžan o kher le Jakoboskro, tumen vodcale, so ľidžan o Izrael! Tumen, so našťi avri ačhen o spravodľišagos a previsaren savoro, so hin čačipen!

Zjaveňje 21:27

A na džala andre leste šoha ňič nažužo, aňi oda, ko kerel o džungipen the o klamišagos, ale ča ola, ko hine pisimen andre le Bakroreskri kňižka le dživipnaskri.