Žalmi 100:4 - Le Devleskero Lav Andre Romaňi Čhib Slovensko 2021

⁴ Aven andre leskre brani le paľikeribnaha, andre leskre dvori la chvalaha! Paľikeren leske a lašaren leskro nav!

Žalmi 100:4 ပူးပေါင်းရင်းမြစ်များ

1. Kronicko 29:13

Akana, Devla amaro, paľikeras tuke a lašaras tiro slavno nav!

1. Kronicko 29:20

Paľis o David phenďa savore manušenge: „Lašaren le RAJES, peskre Devles!“ Avke savore ola manuša chudle te lašarel le RAJES, peskre dadengre Devles, a andre pačiv banďonas dži pre phuv anglo RAJ the anglo kraľis David.

Žalmi 122:2

Akana amare pindre ačhen andre tire brani, Jeruzalemona.

Žalmi 122:4

Ode džan o kmeňi upre, o kmeňi le RAJESKRE, te lašarel o nav le RAJESKRO, avke sar hin prikazimen le Izraeloske.

Žalmi 65:1

Oleske, ko ľidžal o bašaviben. Le Davidoskro žalmos. E giľi.

Žalmi 66:13

Avava andre tiro kher le labarde obetenca, avke doľikerava mire lava,

Žalmi 95:2

Aven, avas anglal leste le paľikeribnaha! Giľavas leske o radišagoskre chvali!

Žalmi 96:2

Giľaven le RAJESKE, lašaren leskro nav, sako džives vakeren pal leskro spaseňje!

Žalmi 96:8

Den le RAJESKE e slava hodno leskre naveske! Anen e obeta a aven andre leskro Chramos!

Žalmi 99:3

Mi lašaren tiro baro the užasno nav, bo hino sveto!

Izajaš 35:10

Ola, kas o RAJ zachraňinďa, avena pale andro Jeruzalem a giľavipnaha džana upre pro Sion. O večno radišagos ela pre lengre šere sar e koruna, chudena te giľavel a te khelel radišagostar a o pharipen the e žaľa lendar denašela het.

Židenge 13:15

Vašoda, aven, obetinas furt le Devleske e chvalakri obeta prekal o Ježiš, oda hin o ovocje le vuštengro, so viznavinel leskro nav.