Zacharijaš 8:10 - Le Devleskero Lav Andre Romaňi Čhib Slovensko 2021

¹⁰ Bo angle ola dživesa ňiko našťi počinelas vaš e buči le manušeskri aňi le džviroskri. Ňiko našťi kerelas peskri buči andro smirom aňi ňič aver angle peskro ňeprijaťeľis a me kerďom, hoj te džal jekh pre aver.

Zacharijaš 8:10 ပူးပေါင်းရင်းမြစ်များ

Izajaš 19:2

„Kerava upre le Egipťanen pre peste; marela pes o phral le phraleha, o susedas le susedoha, o foros le foroha, o kraľišagos le kraľišagoha.

Jeremijaš 16:16

Dikh, bičhavava pal o but ribara,“ phenel o RAJ, „a on len chudena. Paľis bičhavava pal o but lovci a on len chudena andral savore verchi, andral savore brehi the andral o pukimen skali.

Amos 3:6

Či na predarana o manuša, te andro foros šunďola e truba? Či pes ačhela andro foros vareso nalačho, so na domukľahas o Del?

Amos 9:4

Kajte len o ňeprijaťeľa ilehas andre aver phuv, the ode prikazinava la šabľake, hoj len te murdarel. Dikhava pre lende mire jakhenca, na hoj lenge te pomožinav, ale hoj lenge te kerav o nalačho.“

Haggeus 2:15

Akana mištes pozorinen, so pes chudela te kerel adadživesestar a dureder! Sar tumenge sas angloda, medik pes chudňa te ačhavel o Chramos le RAJESKRO?

Sudcengro 5:11

Šunen o hangos olengro, ko giľaven paš o chaňiga. Ode lašaren le RAJESKRO spravodľišagos, o viťazstvo le Izraeloskre manušengro! Akor o manuša le RAJESKRE gele tele ko brani.