Zacharijaš 14:12 - Le Devleskero Lav Andre Romaňi Čhib Slovensko 2021

¹² O RAJ mukela o strašno nasvaľiben pre savore narodi, so pes marenas le Jeruzalemoha: O ťela lenge kirňona, kajte mek ačhena pro pindre, o jakha lenge kirňona andro jamki a e čhib lenge kirňola andro muj.

Zacharijaš 14:12 ပူးပေါင်းရင်းမြစ်များ

2. Kronicko 21:15

Tu aveha igen nasvalo pro vnutornosťi a mušineha but te cerpinel, medik tuke o vnutornosťi na avena avri.‘ “

O Job 18:13

O nasvaľiben leske chal tele e cipa; o nekgoreder meribnaskro nasvaľiben chal tele leskre vasta the pindre.

Žalmi 90:11

Ale ko prindžanel tiri zoraľi choľi? Tiri bari choľi anel le manušenge dar.

3. Mojžišoskro 26:16

akor tumenge kerava kada: Mukava pre tumende e bari dar, o džungale nasvaľibena the o horučki, so demen andro jakha a slabisaren o ťelos. Sadzinena tumaro zrnos, ale pre ňisoste, bo chana les tumare ňeprijaťeľa.

3. Mojžišoskro 26:18

Te man aňi akor na šunena, marava tumen vaš tumare bini eftavar buter.

3. Mojžišoskro 26:21

Te mek furt tumen mange ačhavena a na kamena man te šunel, dothovava pre tumende eftavar buter pharipen vaš tumare bini.

3. Mojžišoskro 26:24

akor man the me ačhavava tumenge a marava tumen vaš tumare bini eftavar buter.

3. Mojžišoskro 26:28

akor man the me pre tumende ačhavava mira choľaha a marava tumen vaš tumare bini eftavar buter.

Zacharijaš 1:15

a som igen choľamen pro narodi, so pes šunen andro smirom. Me somas choľamen pre mire manuša ča sikra, ale ola narodi kerde lengro pharipen goreder, sar kamavas.‘

Zacharijaš 12:9

Oda džives zňičinava savore naroden, so džana pro Jeruzalem.

Zacharijaš 14:15

The pro graja, pro mulici, pro ťavi, pro somara, the pre savore aver džviri andre le ňeprijaťeľengre tabora avela o baro nasvaľiben.

Zacharijaš 14:18

A te o Egipťana na avena upre te oslavinel, na dela o brišind aňi lenge a o RAJ pre lende bičhavela oda baro nasvaľiben, savo avela pro narodi, so na avena te oslavinel o inepos le Stankengro.

Zacharijaš 14:3

Paľis o RAJ džala avri a marela pes ole narodenca, avke sar pes marelas varekana andro mariben.

Zacharijaš 2:4

Phučľom: „So kamen on te kerel?“ Odphenďa mange: „Kala rohi roztradle le manušen andral e Judsko a igen len pokorinde. Ale kala kovača avle te daravel avri le naroden a te čhivel tele lengre rohi, save pes hazdle pre Judsko, hoj la te roztraden.“

Skutki 12:23

A takoj ode pro than les o aňjelos le Rajeskro marďa, bo na diňa e slava le Devleske. Chale les o kirme a muľa.

5. Mojžišoskro 28:21

O RAJ pre tumende domukela o meribnaskro nasvaľiben, medik na merena avri andre odi phuv, so džan te zalel.

5. Mojžišoskro 28:22

O RAJ tumen marela le nasvaľibenenca, hoj šuvľona a ela tumen bare horučki; mukela pre tumende baro tačipen the šukiben; dela pľešňa pro uľipen, hoj les te zňičinel. Kada pes tumenge ačhela, medik na merena avri.

5. Mojžišoskro 28:59

o RAJ pre tumende the pre tumare potomki domukela bare rani, bare pohromi, so ľikerena but, the meribnaskre nasvaľibena, so pes na dena te sasťarel avri.

Zjaveňje 17:16

E šelma the o deš rohi, so dikhľal, našťi avri ačhena ola džuvľa, savi kerel o lubipen. Čhivena la tele, mukena la langa, chana lakro mas a zlabarena andre jag.