Titoske 2:5 - Le Devleskero Lav Andre Romaňi Čhib Slovensko 2021

⁵ O terneder džuvľa mi en goďaver the pačivale, mi starinen pes pal peskre khera, mi en lačhe a mi podden pes peskre romenge, hoj ňikas te na avel so te phenel pro Lav le Devleskro.

Titoske 2:5 ပူးပေါင်းရင်းမြစ်များ

1. Mojžišoskro 18:9

Phučle lestar: „Kaj hiňi tiri romňi e Sara?“ „Andro stanos,“ odphenďa.

1. Mojžišoskro 3:16

A la džuvľake phenďa: „Sar ačheha khabňi, ela tut igen bare dukha a andro dukha ločhoha le čhavoren. Igen tuke džala pal tiro rom, ale ov upral tu vladňinela.“

2. Samueloskro 12:14

Ale oleha, so kerďal, dikhľal tele le RAJES, a vašoda o čhavoro, so tuke uľola, mušinel te merel.“

Žalmi 74:10

Devla, dži kana peske o ňeprijaťeľis kerela tutar pheras? Dophenela furt tire naveske?

Prislovja 7:11

Kerelas vika a sas bi e ladž, šoha na ačhelas but khere.

Skutki 9:36

Andre Joppa sas jekh učeňička, savi pes vičinelas Tabita, so hin andre grecko čhib Dorkas. Oj kerelas but lačhipen a pomožinelas le čorenge.

Skutki 9:39

O Peter ušťiľa a geľa lenca. Sar doavľa ode, ľigende les andro upruno kher a zgele pes paš leste savore vdovi a sikavenas leske o rokľi the o gada, so lenge kerelas e Tabita, medik sas lenca.

Rimanenge 14:16

Te na vakeren namištes pre oda, pal soste tumen džanen, hoj hin lačho.

Rimanenge 2:24

Avke sar hin pisimen: „Vaš tumenge o aver narodi namištes vakeren pro Del.“

1. Korinťanenge 11:3

Ale kamav, hoj te džanen, hoj o šero dojekhe muršeskro hin o Kristus, o šero la džuvľakro hin o murš a o šero le Kristoskro hin o Del.

1. Korinťanenge 14:34

O džuvľa andro khangera te na vakeren, bo pes lenge na domukel te vakerel, ale mi podden pes avke, sar oda phenel the le Mojžišoskro zakonos.

Efežanenge 5:33

Avke the tumen: Sako tumendar mi kamel peskra romňa sar pes korkores a e romňi mi del pačiv peskre romes.

Kološanenge 3:18

Džuvľale, podden tumen tumare romenge, avke sar oda kampel te kerel andro Raj.

1. Timoteoske 5:10

a džal pal late o lačho hiros, hoj kerelas o lačhipen, bararďa avri le čhaven, prilelas le hoscen, thovelas avri (omorelas) o pindre le Devleskre manušenge, pomožinelas olenge, ko hine andro pharipen, a kamelas te kerel savoro lačhipen.

1. Timoteoske 6:1

Savore manuša, save hine otroka, mi presikaven peskre rajenge savori pačiv, hoj ňiko te na dikhel tele o lav le Devleskro the amaro sikaviben.

Titoske 2:4

a mi den le ternedere džuvľen goďi, hoj te kamen peskre romen the peskre čhaven.