Titoske 1:14 - Le Devleskero Lav Andre Romaňi Čhib Slovensko 2021

¹⁴ te na pes ľikeren le židovike paramisendar the le prikazaňjendar, so vakeren ola manuša, save pestar odčhide o čačipen.

Titoske 1:14 ပူးပေါင်းရင်းမြစ်များ

Izajaš 29:13

O Raj phenel: „Kala nipi aven ke ma ča peskre mujeha a lašaren man ča le vuštenca, ale lengro jilo hino mandar dur. Lengri chvala hiňi zathoďi ča pre le manušengre tradiciji, so len sikade.

Matuš 15:9

Hijaba man lašaren, bo sikaven o sikaviben le manušengro.‘ “

Marek 7:7

Hijaba man lašaren, bo sikaven o sikaviben le manušengro.‘

Galaťanenge 4:9

No akana, sar prindžarďan le Devles – abo sigeder phenďomas, sar o Del prindžarďa tumen – sar oda, hoj tumen pale visaren paš ola slaba the bezmocna zora, so ľidžan kada svetos? Soske lenge kamen pale te služinel sar otroka?

Kološanenge 2:22

Oda hin ča le manušeskre prikazi the sikavibena pal o veci, so pes chal a pijel – hine ča jekhvar pre chasna a paľis nane.

2. Timoteoske 4:4

A visarena peskre kana le čačipnastar ko paramisa,

Titoske 3:11

Tu džanes, hoj kajso manuš hino previsardo, kerel o bini a korkoro pes odsudzinel.

Židenge 12:25

Den tumenge pozoris pre oda, hoj te šunen a te na odčhiven oles, ko vakerel! On, save na kamenas te šunel oles, ko lenge pre phuv phenelas le Devleskri voľa, na denašle, vašoda aňi amen našťi denašaha, te pes visaraha Olestar, ko vakerel andral o ňebos.

2. Peter 2:22

Ačhiľa pes lenge avke, sar pes vakerel: „O rikono geľa pale paš oda, so čandľa avri,“ a: „O žužo balo pes geľa pale te meľarel andre čik.“