Titoske 1:13 - Le Devleskero Lav Andre Romaňi Čhib Slovensko 2021

¹³ Kada, so pre lende phenen, hin čačipen. Vašoda lenge zorales dovaker, hoj te sasťon avri andro pačaben,

Titoske 1:13 ပူးပေါင်းရင်းမြစ်များ

Žalmi 119:80

Joj, te geľomas cale jileha pal tire sikavibena, hoj man te na ladžav.

Žalmi 141:5

Te man demela o čačipnaskro manuš – oda hin o kamiben; te man pokarhinela – oda hin sar olejos pro šero; miro šero oda prilela. Ale me man furt modľinava, hoj o nalačhe te aven marde vaš oda, so keren.

Prislovja 27:5

Feder hin o phundrado dovakeriben sar o garudo kamiben.

3. Mojžišoskro 19:17

Te tut hin vareso pre aver dženo, ma garuv e ňenavisť andre tiro jilo, ale dovaker leske, hoj te na ľidžas vaš leske o binos.

2. Korinťanenge 13:10

Kada tumenge pisinav, sar mek na som tumenca, hoj te na mušinav te avel prisno pre tumende, sar avava. Bo o Raj man na diňa autorita pre oda, hoj tumen te burinav, ale hoj tumen te budinav.

1. Timoteoske 1:10

O zakonos hino the prekal o lubara, prekal o murša, so soven le muršenca, prekal ola, ko cinen the bikenen le manušen, prekal o klamara the prekal ola, ko den lav klamišagoha, a prekal sakoneste, ko dživen avke, hoj pes oda na zdžal le saste sikavibnaha.

1. Timoteoske 4:6

Te kada sikaveha le phralen, aveha lačho služobňikos le Ježišoske Kristoske, avribarardo le pačabnaskre lavenca the le lačhe sikavibnaha, savestar tut dži akana ľikerehas.

1. Timoteoske 5:20

Olen, ko keren bini, karhin anglal savoredženende, hoj pes te daran the okla džene.

2. Timoteoske 4:2

Av pripravimen te vakerel o Lav le manušenge andro lačho the nalačho časos, dovaker lenge, karhin, podhazde a sikav andre savori trpezľivosť.

Titoske 2:15

Kada len sikav, dovaker lenge a phen lenge pre goďi savora autoritaha. Ma domuk, hoj tut vareko te dikhel tele.

Titoske 2:2

O phureder murša mi en strižba, pačivale, goďaver, saste andro pačaben, kamiben the andre trpezľivosť.