Sudcengro 6:31 - Le Devleskero Lav Andre Romaňi Čhib Slovensko 2021

³¹ O Joaš phenďa savorenge, save džanas pre leste: „Tumen kamen te rušel vaš o Baal? Gondoľinen tumenge, hoj les zachraňinena? Ko kamel te rušel vaš leste, oda manuš dži tosara mi merel! Te o Baal hino čačes del, mi rušel korkoro vaš peste, te leske čhide tele o oltaris.“

Sudcengro 6:31 ပူးပေါင်းရင်းမြစ်များ

1. Kraľengro 18:27

Paľis, pro dilos, o Eliaš lendar asalas a phenďa: „Vičinen pre leste zoraleder, se hino del! Talam pal varesoste gondoľinel, abo geľa pro budaris, abo geľa varekhaj pro drom! Abo mek sovel a kampel les te uštavel!“

1. Kraľengro 18:29

Imar sas pal o dilos a on mek oda kerenas dži akor, sar pes anelas e račakri obeta. No le Baal na šunďolas, aňi na odphenďa lenge a ňič pes na ačhiľa.

1. Kraľengro 18:40

O Eliaš lenge phenďa: „Chuden le Baaloskre proroken, hoj ňiko lendar te na denašel het!“ Sar len chudle, o Eliaš len ľigenďa tele paš o paňi Kišon a ode len murdarďa.

2. Mojžišoskro 23:2

Ma ľiker tut paš aver džene, kajte hine but, hoj te keres o nalačho. Sar svedčines pro sudos, ma previsar prekal lende o čačipen,

Izajaš 41:23

Mi den amenge te džanel, so pes ačhela, a pal oda džanaha, hoj hine devla! Mi keren vareso lačho abo nalačho, hoj pes te čudaľinas a te daras.

Izajaš 46:1

O devla Bel the Nebo pele a banďile tele; o dobitkos the o džviri ľidžan lengre modli. O modli, save tumen hordinenas, hine thode sar bremenos pro strapimen džviri.

Izajaš 46:7

Len la pro vali a hordinen peha. Sar la thoven tele, ačhel furt ode a na čhalavel pes pal peskro than. Kajte pre late vareko vičinel, na del pes anglal; na zachraňinel les andral leskro pharipen.

Jeremijaš 10:11

Phenen lenge kada: ‚Ola devla, so na stvorinde o ňebos the e phuv, našľona pal e phuv the telal o ňebos.‘

Jeremijaš 10:5

Lengre modli hine sar o strašjakos pre ogurkengri maľa; našťi vakeren a mušinen len te ľidžal, bo na phiren. Ma daran lendar, bo našťi ubľižinen a aňi našťi keren vareso lačho.“

4. Mojžišoskro 14:6

O Jozua, le Nunoskro čhavo, the o Kaleb, le Jefunoskro čhavo, save sas olendar, ko predikhle e phuv, pre peste čhingerde o ruchi

1. Korinťanenge 8:4

A pal oda chaben, so sas obetimen le modlenge: Amen džanas, hoj o modli pre kada svetos nane ňič a hoj nane aver del, bo hin ča jekh Del.

Efežanenge 5:11

Ma keren lenca ola veci, so pes kerel andro kaľipen a nane lačhe pre ňisoste, ale radeder anen ola veci avri pro švetlos.

Sudcengro 6:30

O murša phende le Joašiske: „An avri tire čhas! Mušinel te merel, bo čhiďa tele le Baaloskro oltaris a čhinďa tele o slupos la Ašerakro, so hin paš leste!“

Sudcengro 6:32

Oda džives le Gideonoske dine nav Jerubaal, so hin: „Mi rušel o Baal korkoro vaš peste, bo o Gideon leske čhiďa tele o oltaris.“

1. Samueloskro 12:11

Avke o RAJ bičhaďa le Gideon, le Barak, le Jeftah the le Samuel, hoj tumen te cirdel avri andral o vasta tumare ňeprijaťeľengre, save sas pašal tumende, a tumen tumenge pale šaj dživenas andro smirom.