Sudcengro 5:26 - Le Devleskero Lav Andre Romaňi Čhib Slovensko 2021

²⁶ Nacirdňa o vast, iľa o koľikos, le čače vasteha o pharo čokanos, demaďa le Siserah, pharaďa leske o šero, predemaďa leske e slicha.

Sudcengro 5:26 ပူးပေါင်းရင်းမြစ်များ

2. Samueloskro 20:22

Paľis odi džuvľi prevakerďa peskra goďaha ke savore manuša andre oda foros. Avke on le Šebasoske odčhinde o šero a čhide prekal o muros le Joaboske. Akor o Joab zatrubinďa pro rohos a savore odgele pašal o foros, sako andre peskro stanos. A o Joab pes visarďa pale ko kraľis andro Jeruzalem.

Sudcengro 4:21

Paľis o Siserah zorales zasuča. Akor e Jael iľa o čokanos the o koľikos pal o stanos a geľa cichones paš leste. Predemaďa o koľikos prekal leskri slicha dži andre phuv a ov muľa.

Sudcengro 5:25

O Siserah mangelas peske paňi, podiňa leske thud; andre kuči prekal o raja leske anďa šutlo thud.

Sudcengro 5:27

Peľa tele paš lakre pindre, previsaľiľa a nacirdňa pes. Paš lakre pindre visaľiľa a peľa. Ode, kaj peľa, muľa.