Sudcengro 5:14 - Le Devleskero Lav Andre Romaňi Čhib Slovensko 2021

¹⁴ Varesave avle tele andral o Efrajim, kaj bešenas angloda o Amaleka, aver avle andral o Benjamin. Le Machirostar avle o vodci a le Zebulunostar ola, ko hine veľiťeľa.

Sudcengro 5:14 ပူးပေါင်းရင်းမြစ်များ

1. Mojžišoskro 35:22

Sar imar bešelas andre kadi phuv, o Ruben pašľiľa la Bilhaha, savi sas romňi-služobňička leskre dadeskri, a o Izrael pes pal oda došunďa. Le Jakob sas dešuduj (12) čhave.

1. Mojžišoskro 35:23

La Lejakre čhave sas o Ruben, ešebno čhavo le Jakoboskro, paľis o Šimeon, o Levi, o Juda, o Jisachar the o Zebulun.

1. Mojžišoskro 35:24

La Rachelakre čhave sas o Jozef the o Benjamin.

Žalmi 68:27

Tumen, ó čhave le Izraeloskre, lašaren le Devles, le RAJES maškar o but zgele manuša.

Hozeaš 5:8

Trubinen pro rohos andre Gibea, pre truba andre Rama; trubinen zorales pro mariben andro Bet-Aven! Pal tute, Benjamin!

Sudcengro 12:15

Sar muľa o Abdon, le Hileloskro čhavo, andral o Piraton, parunde les andro Piraton andre phuv Efrajim pro le Amalekengre brehi.

Sudcengro 3:13

O Eglon pes dovakerďa le Amončanenca the le Amalekenca a geľa pro mariben pro Izraeliti, zviťazinďa upral lende a zaiľa o Jericho, o Foros le palmengro.

Sudcengro 3:27

Sar ode doavľa, zatrubinďa pro bakrano rohos pro brehi Efrajim a odarik ľidžalas le Izraeliten tele.

Sudcengro 4:10

kaj o Barak vičinďa le kmeňen Zebulun the Naftali. Džanas leha 10 000 murša the e Debora.

Sudcengro 4:14

E Debora phenďa le Barakoske: „Ušťi, bo adadžives tuke diňa o RAJ andro vasta le Siserah. Korkoro o RAJ imar geľa anglal tu!“ Avke o Barak geľa tele pal o verchos Tabor a pal leste 10 000 murša.

Sudcengro 5:13

Paľis avle tele ola, save mek ačhile le vodcendar, le RAJESKRE manuša avle tele manca sar ola, ko hine zorale.