Sudcengro 14:15 - Le Devleskero Lav Andre Romaňi Čhib Slovensko 2021

¹⁵ Pro štarto džives ispidenas pre romňi le Samsonoskri: „Prevaker tire romes, hoj amenge te phenel avri odi hadanka. Te na, labaraha tut the tire dadeskro kher. Vičinďan amen kade, hoj amen te občoraren?“

Sudcengro 14:15 ပူးပေါင်းရင်းမြစ်များ

Prislovja 1:11

Te phenena: „Av amenca, arakhaha varekas a murdaraha les! Av chučaha pre varekaste, ko amen ňič na kerďa!

Prislovja 5:3

Pal o vušta la avra džuvľake čuľal o medos a lakri čhib hiňi hladko sar olejos,

Prislovja 6:26

O murš šaj peske cinel la lubňa vaš jekh maro, ale avre dženeskri romňi leske kamel te lel o vzacno dživipen.

Micheaš 7:5

Ma pačan le susedaske, ma muken tumen pro prijaťeľis! De pozoris, so vakeres, mek the angle odi džuvľi, savi tuha pašľol.

Sudcengro 12:1

O murša andral o Efrajim pes zgele pro mariben. Pregele prekal o Jordan andro foros Cafon a phende le Jeftoske: „Soske geľal pro mariben pro Amončana a amen na vičinďal, hoj te džas tuha? Vašoda labaraha tiro kher the tuha!“

Sudcengro 14:14

A ov lenge phenďa: „Andral oda, so chal, avľa avri o chaben a andral oda, so hino zoralo, avľa avri o guľipen.“ A na džanenas pre oda te avel aňi pal o trin dživesa.

Sudcengro 15:6

O Filišťinci phučenas: „Ko oda kerďa?“ Phende lenge: „O Samson, le Timňanoskro džamutro, bo leskra romňa dine leskre družbaske.“ Avke o Filišťinci avle a zlabarde la the lakre dades.

Sudcengro 16:5

A avle ke late o filišťiňika vodci a phende lake: „Chude les avri a dodžan tut, khatar les hin ajsi bari zor a sar les šaj thovas tele, hoj les te sphandas a te ovladňinas. Paľis tut sako amendar dela 1 100 rupune minci.“