Sofonijaš 3:18 - Le Devleskero Lav Andre Romaňi Čhib Slovensko 2021

¹⁸ „Skidava upre le manušen, so roven, bo našťi doľikeren o inepi, a vašoda hine andro pharipen the andre ladž.

Sofonijaš 3:18 ပူးပေါင်းရင်းမြစ်များ

Žalmi 43:3

Bičhav tiro švetlos the tiro čačipen, hoj man te ľidžan! Mi anen man pre tiro sveto verchos, pre oda than, kaj tu bešes.

Žalmi 79:4

Ačhiľam pro asaben olenge, ko pašal amende bešen; keren peske amendar pheras a asan amen avri.

Jeremijaš 23:3

„Andral savore phuva, kaj len roztradňom, skidava upre mire bakroren, so mek ačhile te dživel, a anava len pale khere. Ode pale rozbarona a ela len but čhave.

Roviben le Jeremijašiskro 1:4

O droma le Sionoskre hine andre žaľa, bo ňiko na avel pro inepi. Savore leskre brani hine zňičimen; o rašaja roven, leskre pačivale čhaja hine smutna, ačhiľa leske ča kirko dukh.

Roviben le Jeremijašiskro 1:7

Andre ola dživesa, sar la ela o pharipen a phirela upre tele, peske e čhaj le Jeruzalemoskri leperela pre savore peskre vzacna veci, so la sas varekana. Sar lakre nipi pele andro vasta le ňeprijaťeľiskre, ňiko lake na pomožinďa. Lakre ňeprijaťeľa oda dikhle a asanas olestar, sar hiňi zňičimen.

Ezechiel 34:13

Anava len andral o narodi a skidava len upre andral o aver phuva. Doanava len andre lengri phuv a pašinava len pro verchi le Izraeloskre, paš o paňa andro dolini the paš savore thana la phuvakre, kaj bešen o manuša.

Ezechiel 36:24

Bo me tumen lava andral o narodi, skidava tumen upre andral savore phuva a anava pale andre tumari phuv.

Ezechiel 9:4

O RAJ leske phenďa: „Dža prekal o foros, prekal o Jeruzalem, a poznačin pro čekata ole manušen, savenge hin pharo a roven vaš o baro džungipen, so pes kerel andro foros.“

Hozeaš 9:5

So kamen te kerel andro džives la oslavakro, andro džives le RAJESKRE ineposkro?

Sofonijaš 3:20

Andre oda časos tumen skidava upre; andre oda ideos tumen anava khere. Dava tumen baro nav, hoj tumen te lašaren savore manuša pre phuv, a dikhena, sar tumenge chudava pale te žehňinel,“ phenel o RAJ.