Skutki 9:4 - Le Devleskero Lav Andre Romaňi Čhib Slovensko 2021

⁴ Peľa pre phuv a šunďa o hangos, savo leske phenďa: „Saul, Saul, soske pre mande džas?“

O keriben pal e Devleskre bičhade 1936 (Morava)

⁴ He pēl’as pre phuv, he šund’as vika, so vakerelas leske, Savlu! Savlu! soske keres mamuj mande?

Skutki 9:4 ပူးပေါင်းရင်းမြစ်များ

1. Mojžišoskro 16:8

phenďa lake: „Hagar, služko la Sarajakri, khatar aves a kaj džas?“ Oj odphenďa: „Denašav het mira raňatar la Sarajatar.“

1. Mojžišoskro 22:11

Akor andral o ňebos pre leste vičinďa o aňjelos le RAJESKRO: „Abraham, Abraham!“ „Kade som,“ odphenďa o Abraham.

1. Mojžišoskro 3:9

Ale o RAJ, o Del, vičinďa pro Adam a phučľa lestar: „Kaj sal?“

2. Mojžišoskro 3:4

Sar o RAJ dikhľa, hoj o Mojžiš džal te dikhel pre oda, prevakerďa ke leste andral o krakos: „Mojžiš, Mojžiš!“ Ov odphenďa: „Kade som.“

Izajaš 6:8

Paľis šunďom o hangos le RAJESKRO, savo mange phenďa: „Kas bičhavava? Ko džala vaš amenge?“ A me phenďom: „Dikh, kade som, bičhav man!“

Izajaš 63:9

Andre savoro lengro pharipen cerpinelas lenca, a na o aňjelos, ale o RAJ korkoro len zachraňinďa. Andre peskro kamiben the jileskeriben len cinďa avri; hazdelas len upre a ľidžalas andre savore dživesa, so sas varekana.

Zacharijaš 2:8

a phenďa leske: „Denaš a phen ole terne muršeske, hoj andro Jeruzalem ena ajci but manuša the džviri, hoj o foros ela otkerdo bi o muri.

Matuš 25:40

O kraľis lenge odphenela: ‚Čačipen tumenge phenav: Savoro, so kerďan jekheske kale mire nekciknedere phralendar, mange oda kerďan.‘

Лукастар 10:41

Ale o Ježiš lake odphenďa: „Marto, Marto, starines a trapines tut but vecenca.

O Evaňjelium le Janoskro 18:6

Sar lenge o Ježiš phenďa: „Me Som,“ gele palal a pele pre phuv.

O Evaňjelium le Janoskro 20:16

O Ježiš lake phenďa: „Mario!“ Oj visaľiľa a phenďa leske andre hebrejiko čhib: „Rabbuni!“ (So hin prethodo: Učiťeľina.)

O Evaňjelium le Janoskro 21:15

Sar imar dochale, phučľa o Ježiš le Šimonostar Peteristar: „Šimon, čhavo le Janoskro, kames man buter sar kala?“ „He, Rajeja, tu džanes, hoj tut rado dikhav,“ phenďa leske o Peter. O Ježiš leske phenďa: „Pašin mire bakroren!“

Skutki 5:10

A oj jekhvareste peľa tele leske paš o pindre a muľa. Sar avle andre o terne murša, dikhle la muľa, ile la avri a parunde la paš lakro rom.

Skutki 9:5

O Saul phenďa: „Ko sal, Rajeja?“ O Raj odphenďa: „Me som o Ježiš, pre kaste tu džas.

Rimanenge 11:22

Vašoda dikh le Devleskro lačhipen, ale the oda, sar zoraha sudzinel! O Del hino zoralo ke ola, ko pele, ale hino lačho ke tu, te ačheha andro lačhipen. Ale te na ačheha, aveha the tu avričhindo.

1. Korinťanenge 12:12

Bo avke sar hin jekh ťelos a hin les but kotora a savore kotora hine andral jekh ťelos, kajte hine but, avke hin the o Kristus.

1. Korinťanenge 4:7

Bo ko tutar kerďa bareder avrestar? A so tut hin, so na chudňal? A te oda chudňal, soske tut lašares, sar te oda na chudňalas?

Efežanenge 5:30

bo amen sam leskre ťeloskre kotora.