Skutki 9:2 - Le Devleskero Lav Andre Romaňi Čhib Slovensko 2021

² a mangľa lestar o ľila pro sinagogi andro Damašek, hoj te rodel avri ole muršen the ole džuvľen, save džan pal o drom le Rajeskro, hoj len te phandel andre a te anel len andro Jeruzalem.

O keriben pal e Devleskre bičhade 1936 (Morava)

² He kamelas lestar o l’il’a te ǧal andro Damaskos, andre biboldengre kangera, te rakhel e manušen pr’ada drom, muršen vaj ǧuvlen, te anel len phandlen andri Jeruzalema.

Skutki 9:2 ပူးပေါင်းရင်းမြစ်များ

1. Mojžišoskro 14:15

Rači rozačhaďa pre lende peskre muršen a zviťazinďa upral lende. Denašelas pal lende dži ke Choba, so hin pro severos le forostar Damašek.

Izajaš 17:1

Kada hin o proroctvos pro Damašek: „Dikh, o Damašek imar na ela foros, ačhela lestar ča kopa bara.

Jeremijaš 49:23

Pal o Damašek. „O manuša andro Chamat the andro Arpad hine andre ladž, bo šunde nalačhi sprava; izdran daratar sar o moros, savo peske našťi bešel tele.

Matuš 10:17

Den tumenge pozoris pro manuša! Bo dena tumen pro sudi a marena tumen andro sinagogi le bičenca.

O Evaňjelium le Janoskro 14:6

O Ježiš leske phenďa: „Me som o drom, o čačipen the o dživipen. Ňiko na avela ko Dad, te na avela prekal ma.

Skutki 18:25

O Apollo sas imar avrisikado pal o drom le Rajeskro. Ov sas igen horľivo andro duchos a vakerelas a sikavelas mištes pal o Raj pal o Ježiš, ale prindžarelas ča o boľipen le Janoskro.

Skutki 19:23

Andre ola dživesa pes o manuša andro Efezus chudle igen te vesekedinel vaš o drom le Rajeskro.

Skutki 19:9

Ale varesave džene pes na poddenas, na šunenas a namištes vakerenas pal o drom le Rajeskro anglo manuša, avke lendar o Pavol geľa het. Iľa peha le učeňiken a lenca vakerelas sako džives andre hala le Tiranoskri.

Skutki 24:14

Ale kada tuke šaj phenav, hoj ole Rajeskre dromeha, so on vičinen sekta, me služinav mire dadengre Devleske. Pačav savoreske, so hin pisimen andro Zakonos the andro Proroka.

Skutki 24:22

Sar oda šunďa o Felix, bo ov mištes džanelas pal oda drom le Rajeskro, prethoďa lengro sudos a phenďa: „Rozsudzinava tumari veca akor, sar ade doavela o veľiťeľis Lisijaš.“

Skutki 26:10

A andro Jeruzalem oda the kerďom. O bare rašaja mange domukle te phandel but Devleskre manušen andro berteni. A sar len murdarenas, the me somas vaš oda, hoj len te murdaren.

Skutki 26:12

A kavke džavas the andro Damašek. O bare rašaja mange oda domukle a dine man pre oda pravos.

Skutki 6:9

No avle varesave manuša andral e Libertinsko sinagoga, kaj sas Židi andral e Cirenija the Alexandrija, a avle mek the ola, so sas andral e Cilicija the andral e Azija, a vesekedinenas pes le Štefanoha.

Skutki 7:19

Oda kraľis paľis avke trapinelas amare manušen the amare daden, hoj mušinenas te odčhivel peskre čhavoren, save mekča uľonas a mukenas len te merel.

Skutki 9:14

A the kade les hin zor le bare rašajendar te phandel andre savoren, ko lašaren tiro nav.“

Skutki 9:21

Savore, save les šunde, pes čudaľinenas a phenenas: „Či nane oda ov, savo andro Jeruzalem murdarelas olen, ko lašarenas kada nav? A the kade avľa, hoj len te phandel andre a te ľidžal anglo bare rašaja.“

2. Korinťanenge 11:32

Sar somas andro foros Damašek, o guverneris, savo sas tel o kraľis Aretas, man kamľa te phandel andre a diňa te stražinel o brani le foroskre.

Galaťanenge 1:17

aňi na geľom andro Jeruzalem pal o apoštola, save sas sigeder sar me, ale geľom andre Arabija a paloda avľom pale andro Damašek.