Skutki 8:3 - Le Devleskero Lav Andre Romaňi Čhib Slovensko 2021

³ Ale o Saul chudňa te ňičinel e khangeri. Džalas andro khera, lelas le muršen the le džuvľen a thovelas len andro berteni.

O keriben pal e Devleskre bičhade 1936 (Morava)

³ Ak‐akanak o Savlos kerd’as bilāči būt’i e Kangerake, gēl’as andre sako kher, he vičind’as e manušen h’e ǧuvl’en, he diñas len andro stariben.

Skutki 8:3 ပူးပေါင်းရင်းမြစ်များ

Skutki 16:19

Ale sar dikhle lakre raja, hoj oleha našade o love, chudle le Pavol the le Silas a ľidžanas len pro pľacos anglo nekbareder manuša ole foroskre.

Skutki 22:19

Me phenďom: ‚Rajeja, on džanen, hoj me džavas andral jekh sinagoga andre aver, hoj te phandav andre bertena a te marav olen, ko pačan andre tu.

Skutki 7:58

Tradle les avri andral o foros a chudle andre leste te čhivkerel le barenca. O švedki peske thode o plašťi paš jekh terno manuš, savo pes vičinelas Saul.

Skutki 8:2

O pobožna murša parunde le Štefan a igen pal leste rovenas.

Skutki 9:21

Savore, save les šunde, pes čudaľinenas a phenenas: „Či nane oda ov, savo andro Jeruzalem murdarelas olen, ko lašarenas kada nav? A the kade avľa, hoj len te phandel andre a te ľidžal anglo bare rašaja.“

1. Korinťanenge 15:9

Bo me som nekcikneder le apoštolendar a na som hodno man te vičinel apoštolos, bo džavas pre le Devleskri cirkev.

Galaťanenge 1:13

Se tumen šunďan pal miro dživipen, sar mek somas andro židoviko pačaben. Šunďan, sar džavas pre le Devleskri cirkev a keravas sa pre oda, hoj la te zňičinav.

Filipanenge 3:6

bara choľaha andro jilo igen džavas pre cirkev; a doľikeravas savoro, so kamel o zakonos.

1. Timoteoske 1:13

man, savo pre leste varekana namištes vakeravas, džavas pre leste a dukhavavas les. Ale o Del sas ke mande lačhejileskro, bo mek na somas andro pačaben a na džanavas, so kerav.

Jakob 2:6

Ale tumen tele dikhľan le čores! Či nane oda ipen o barvale, ko tumen trapinen a cirden pal o sudi?