Skutki 7:16 - Le Devleskero Lav Andre Romaňi Čhib Slovensko 2021

¹⁶ Paľis len preľigende andro Šichem a parunde len andro hrobos. Oda hrobos cinďa o Abraham le Chamoroskre čhavendar andro Šichem.

O keriben pal e Devleskre bičhade 1936 (Morava)

¹⁶ He ande len andro Sixmos, he thode len andre mūlengri xev, so o Abrahamos kind’as vaš o lōve e Emoroskre čhāvendar, havo ehas o Sixemoskro dad.

Skutki 7:16 ပူးပေါင်းရင်းမြစ်များ

1. Mojžišoskro 23:16

O Abraham priiľa oda, so phenďa o Efron, a počinďa leske štar šel rupune. Thoďa o rup pre vaha anglo Chetitana, avke sar o manuša furt maškar peste bikenenas. Diňa ajci, keci angle lende phenďa, hoj dela.

1. Mojžišoskro 23:4

„Me som maškar tumende ča cudzincos, savo avľom kade te bešel. Mangav tumen, den man prekal e famelija hroboskro than, kaj šaj parunava mira romňa.“

1. Mojžišoskro 35:19

Avke e Rachel muľa a parunde la le dromeha andre Efrata, so hin adadžives o Betlehem.

1. Mojžišoskro 47:30

Sar merava avke sar mire phure dada, ľidža man andral o Egipt a parun man ode, kaj sas parunde the on.“ O Jozef odphenďa: „Kerava avke, sar phenes.“

1. Mojžišoskro 50:12

O čhave paľis kerde avke, sar lenge phenďa o dad o Jakob.

1. Mojžišoskro 50:13

Ľigende les andro Kanaan a parunde les andre jaskiňa, so sas pre maľa Machpela paš o Mamre, so cinďa o Abraham le Chetitostar le Efronostar, hoj les te el than pro hrobos.

2. Mojžišoskro 13:19

O Mojžiš iľa peha the le Jozefoskre kokala. Bo o Jozef phandľa la veraha le Izraeliten: „Sar tumen o Del zachraňinela, mušinen tumenca te lel adarik mire kokala.“

Jozua 24:32

O kokala le Jozefoskre, so o Izraeliti ande andral o Egipt, parunde pale andro Šichem, andre phuv, so cinďa o Jakob vaš o šel rupune minci le Chamorostar, le Šichemoskre dadestar. Odi phuv chudle sar ďeďictvos le Jozefoskre čhave.