Skutki 5:5 - Le Devleskero Lav Andre Romaňi Čhib Slovensko 2021

⁵ Sar šunďa o Ananijaš ola lava, peľa tele a muľa. A pre savoredženende, ko pes pal oda došunde, avľa bari dar.

O keriben pal e Devleskre bičhade 1936 (Morava)

⁵ Kana o Ananiāšis šunelas akada lava, pēl’as tēle, he mukl’as avri peskro vōd’i, he bāri dār avl’as pre savore, have šunde akada būt’i.

Skutki 5:5 ပူးပေါင်းရင်းမြစ်များ

2. Kraľengro 2:24

Avke o Elizeus visaľiľa, a sar len dikhľa, vičinďa pre lende tele le RAJESKRO sudos. Androda avle avri andral o veš duj medveďici a murdarde saranda the duj (42) čhaven.

1. Kronicko 13:12

Andre oda džives o David predaranďiľa le Devlestar a phenďa: „Sar me ke ma šaj anav e archa le Devleskri?“

1. Kronicko 15:13

Bo angloda pes oda kerelas bijal tumende, Levitale, a vašoda o RAJ, amaro Del, pre amende domukľa e pohroma, bo na phučahas lestar, sar oda te kerel pal oda, so hin pisimen.“

Žalmi 119:120

Miro ťelos tutar izdral daratar, darav man tire sudendar.

Žalmi 64:9

Zňičinela len lengri čhib. Sako, ko len dikhela, kerela upral lende le šereha.

Jeremijaš 5:14

Vašoda kada phenel o RAJ, o Nekzoraleder Del: „Bo vakeren kajse lava, čerinava kale manušen pro kašta a mire lava andre tiro muj kerava sar jag, so len labarela.

Ezechiel 11:13

A androda, sar mek prorokinavas, muľa o Pelatja, le Benajoskro čhavo. Akor peľom le mujeha pre phuv a vičinďom zorale hangoha: „Jaj, RAJA, Adonaj, kames te zňičinel savoren, so ačhile te dživel andral o Izrael?“

3. Mojžišoskro 10:3

O Mojžiš phenďa le Aronoske: „Kada hin oda, so phenďa o RAJ: ‚Pre ola, ko ke ma avena, sikavava, hoj som sveto; angle savore manuša avava oslavimen.‘ “ Ale o Aron sas čhit.

Skutki 13:11

Avke akana pre tu avela o vast le Rajeskro: Korisaľoha a na dikheha pre varesavo časos o kham!“ A takoj pre leste avľa o kaľipen a ov chudňa te rodel, ko les šaj ľidžal vastestar.

Skutki 2:43

Pre savore nipi avelas dar, bo o apoštola kerenas but zazraki the znameňja.

Skutki 5:13

Aver džene pes daranas paš lende te džal, ale maškar o nipi len sas bari pačiv.

1. Korinťanenge 4:21

So kamen? Kamen, hoj te avav ke tumende la pacaha, abo le kamibnaha the le jemne duchoha?

2. Korinťanenge 13:10

Kada tumenge pisinav, sar mek na som tumenca, hoj te na mušinav te avel prisno pre tumende, sar avava. Bo o Raj man na diňa autorita pre oda, hoj tumen te burinav, ale hoj tumen te budinav.

2. Korinťanenge 13:2

Phenďom oda imar akor, sar somas dujtovar ke tumende. A akana – kajte ode na som – pale phenav olenge, ko angloda kerde o bini, the savore okle dženenge: Sar avava pale, na sajinava ňikas!

2. Korinťanenge 7:11

Dikhen kaj tumen anďa kada pharipen, so hin pal e Devleskri voľa. Ča dikhen savi snaha the ochota! Savi dar, savi tužba a savi horľivosť! Savi voľa te potrestinel oles, ko kerďa o nalačho! Aleha savoreha presikaďan, hoj san žuže andre kadi veca!

5. Mojžišoskro 13:11

Murdarena les le barenca, bo tut kamľa te odcirdel le RAJESTAR, tire Devlestar, savo tut iľa avri andral o Egipt, andral o otroctvos.

5. Mojžišoskro 21:21

Paľis savore murša ole foroskre les mi murdaren le barenca. Kavke tumendar odlena o nalačhipen. Mi šunel oda calo Izrael a mi daral pes.“

Jozua 22:20

O Achan, o čhavo le Zerachoskro, pes ľikerďa napačivalones, sar peske iľa oda, so sas tel o prekošiben, a vašoda avľa le RAJESKRI choľi pre calo Izrael! Vaš oda binos na muľa ča ov korkoro!‘ “

Zjaveňje 11:13

Andre odi ora chudňa e phuv igen te razisaľol. Jekh ďesaťina le forostar peľa tele a efta ezera (7 000) manuša mule. Okla džene predaranďile a dine e slava le Devleske pro ňebos.

Zjaveňje 11:5

Te len kamľahas vareko te dukhavel, avela lenge avri andral o muj e jag a zlabarela olen, ko pre lende džan. Avke te len kamľahas vareko te dukhavel, mušinel te merel.