Skutki 5:2 - Le Devleskero Lav Andre Romaňi Čhib Slovensko 2021

² Ale ov peske počoral mukľa ole lovendar a leskri romňi olestar džanelas. Okla love, so leske ačhiľa, anďa a thoďa le apoštolenge paš o pindre.

O keriben pal e Devleskre bičhade 1936 (Morava)

² He ikerd’as pāle koter e lovendar, he leskri romñi ǧānelas; and’as jek koter, he thod’as les paš o Bičhadengre prré.

Skutki 5:2 ပူးပေါင်းရင်းမြစ်များ

Malachijaš 1:14

„Prekošlo hin o klamaris, saves hin andre peskro stados lačho samcos, a del lav, hoj les obetinela le RAJESKE, ale paľis obetinel oles, saves hin chiba. Se me som baro kraľis,“ phenel o Nekzoraleder RAJ, „a mire navestar pes mušinen o narodi te daral.“

Matuš 23:5

Savoro, so on keren, keren ča vaš oda, hoj len o nipi te dikhen. Thoven peske o bare krabički le Devleskre laveha pro čekat the pro vasta a o bare špargici pro agor peskre gadengre.

O Evaňjelium le Janoskro 12:6

Ov oda na phenďa vašoda, hoj leske džalas pal o čore, ale vašoda, hoj čorelas. Leste sas o gonoro le lovenca a lelas peske olestar, so andre thovenas.

Skutki 2:44

Savore manuša, so pačanďile, sas peha a sas len savoro jekhetane.

Skutki 4:37

Les sas maľa, bikenďa la a ola love anďa a thoďa le apoštolenge paš o pindre.

Skutki 5:1

Sas jekh murš, savo pes vičinelas Ananijaš a leskri romňi Zafira, a on bikende peskri maľa.

Skutki 5:3

O Peter phenďa: „Ananijaš, soske o beng naplňinďa tiro jilo, hoj te klamines le Svete Duchoske, a počoral tuke mukľal ole lovendar, so chudňal vaš e maľa?

Skutki 5:8

O Peter phučľa the latar: „Phen mange, či vaš kajci bikenďan e maľa?“ „He, vaš ajci,“ oj odphenďa.

Filipanenge 2:3

Ma keren ňič prekal tumaro baripen abo vašoda, hoj tumen o manuša te lašaren, ale andre pokora dikhen jekh avren bareder pestar.

1. Timoteoske 6:10

Bo o kamiben ko love hin o koreňis savore nalačhipnaske. Varesave džene andre oda pele, odgele le pačabnastar a kerde korkore peske but dukha.