Skutki 15:2 - Le Devleskero Lav Andre Romaňi Čhib Slovensko 2021

² Vašoda pes lenca vesekedinenas o Pavol the o Barnabaš. Dovakerde pes, hoj o Pavol the o Barnabaš a the vareko lendar te džan upre andro Jeruzalem pal o apoštola the pal o phuredera, hoj lendar te phučen pal kadi veca.

O keriben pal e Devleskre bičhade 1936 (Morava)

² He kana o Pavlos h’o Barnabāšis vakerde but mamuj lende, kamenas, kaj o Pavlos h’o Barnabāšis, he varehave aver manuša te ǧan andri Jeruzalema ko Bičhade h’e ko Najphureder manuša pal ada būt’i.

Skutki 15:2 ပူးပေါင်းရင်းမြစ်များ

2. Mojžišoskro 18:23

Te kada kereha, a o Del tuke kada prikazinel, akor oda birineha te ľikerel avri a savore kala manuša peske džana pale khere andro smirom.“

Skutki 10:23

Akor len vičinďa o Peter andre a presikaďa lenge e pačiv a presute ode. Pre aver džives o Peter odgeľa lenca a gele leha the varesave phrala andral e Joppa.

Skutki 11:12

O Duchos mange phenďa, hoj te džav lenca a te na odcirdav man lendar. Avle manca the kala šov phrala a geľam andro kher ke oda murš.

Skutki 11:30

Avke skidle upre o love a bičhade le Barnabaš the le Saul, hoj te anen o love le vodcenge andre khangeri andro Jeruzalem.

Skutki 15:25

Vašoda pes savoredžene jekhetane dovakerďam, hoj kidaha avri muršen a bičhavaha len ke tumende le Barnabašiha the le Pavloha. On hine amare phrala, saven kamas,

Skutki 15:27

Vašoda bičhavas le Juda the le Silas, hoj the on korkore tumenge oda te phenen.

Skutki 15:4

Sar doavle andro Jeruzalem, priiľa len e khangeri, o apoštola the o phuredera a on lenge vakerenas avri savoro, so prekal lende kerďa o Del.

Skutki 16:4

Sar phirenas pal ola fori, phenenas lenge, hoj te doľikeren oda, so phende o apoštola the o phuredera andral o Jeruzalem.

Skutki 21:18

Pre aver džives geľa o Pavol amenca ko Jakob a avle ode the savore phuredera.

1. Korinťanenge 1:1

Me o Pavol, le Devleskra voľatar vičindo sar apoštolos le Ježišoskro Kristoskro, the o phral o Sostenes

2. Korinťanenge 11:5

Me mange gondoľinav, hoj pal ola „bare apoštola“ ňisoha na som palal.

Galaťanenge 2:5

Amen lenge na pomukľam aňi sikra aňi pes lenge na poddiňam, hoj o čačipen le evaňjelioskro te ačhel furt tumenca.

Juda 1:3

Phralale mire, igen tumenge kamavas te pisinel pal amaro spaseňje, so amen hin jekhetane, ale akana tumenge mušinav te pisinel a te dovakerel, hoj tumen te maren vaš o pačaben, so sas dino le Devleskre manušenge jekhvar a pro furt.

1. Samueloskro 8:7

O RAJ phenďa le Samueloske: „Ker savoro, so tutar o manuša mangen. Bo na dikhle tele tut, ale man, te man na kamen kraľiske.