Skutki 13:18 - Le Devleskero Lav Andre Romaňi Čhib Slovensko 2021

¹⁸ Paloda vaj saranda (40) berš pre pušťa o Del zľidžalas oda, so kerenas.

O keriben pal e Devleskre bičhade 1936 (Morava)

¹⁸ Kana odova ehas duvarbiš berš, mro Devel ikerelas e dukha vaš lengro keriben andre čuči phuv.

Skutki 13:18 ပူးပေါင်းရင်းမြစ်များ

Nehemiaš 9:30

But berša lenca ľikerehas avri, tire Duchoha dovakerehas lenge prekal o proroka, ale on na šunenas, a vašoda len diňal andro vasta avre narodenge.

2. Mojžišoskro 16:2

Ode savore Izraeliti reptinenas pro Mojžiš the pro Aron.

2. Mojžišoskro 16:35

Avke o Izraeliti chanas e manna saranda (40) berš, medik na dogele andre phuv, kaj imar dživenas aver manuša. Chanas e manna, medik na doavle pre hraňica andre phuv Kanaan.

4. Mojžišoskro 14:22

aňi jekh kale manušendar na džala andre odi phuv. Bo dikhle miri slava the o zazraki, so keravas andro Egipt the pre pušťa, a the avke man dešvar pokušinenas a na šunenas.

Skutki 7:36

O Mojžiš len iľa avri andral o Egipt a kerelas o ďivi the o zazraki andro Egipt, paš o Lolo moros a the pre pušťa saranda (40) berš.

5. Mojžišoskro 1:31

a the pre pušťa. Ode dikhľan, hoj o RAJ, tumaro Del, tumen ľidžalas avke sar o dad peskre čhas, pal calo drom, medik na avľan pre kada than.‘

5. Mojžišoskro 9:7

„Leperen tumenge a šoha ma bisteren, sar pre pušťa choľarenas le RAJES, tire Devles. Vzburinenas tumen pro RAJ akorestar, sar avľan avri andral o Egipt, dži akor, medik na doavľan pre kada than.