Skutki 12:9 - Le Devleskero Lav Andre Romaňi Čhib Slovensko 2021

⁹ O Peter džalas pal leste a aňi na džanelas, hoj oda, so pes ačhel prekal o aňjelos, hin čačes. Gondoľinelas peske, hoj džal suno.

O keriben pal e Devleskre bičhade 1936 (Morava)

⁹ Gēl’as avri, ǧalas pal leste, he na ǧānelas, kaj odova ehi čāčo so kerelas o bičhado; perelas pre gōd’i, kaj dikhel sūno.

Skutki 12:9 ပူးပေါင်းရင်းမြစ်များ

1. Mojžišoskro 45:26

Phende leske: „O Jozef mek dživel! Ov vladňinel upral calo Egipt!“ Ale sar ada šunďa o dad, ačhiľa sar bar a našťi lenge dopačalas.

1. Mojžišoskro 6:22

A o Noach kerďa savoro avke, sar leske oda o Del prikazinďa.

Žalmi 126:1

E giľi pro drom upre andro Jeruzalem. Sar o RAJ anelas pale le Sionoskre zailen, sas amenge oda sar suno.

O Evaňjelium le Janoskro 2:5

Paloda leskri daj phenďa le sluhenge: „Keren savoro, so tumenge phenela!“

Skutki 10:17

Medik o Peter andre peste gondoľinelas, hoj so leske o Del kamľa te phenel prekal oda viďeňje, doavle paš e brana ola murša, saven bičhaďa o Kornelius, bo arakhle o drom paš le Šimonoskro kher.

Skutki 10:3

Jekhvar, vaj trin orendar pal o dilos, žužes dikhľa andro viďeňje le Devleskre aňjelos. O aňjelos leske phenďa: „Kornelius!“

Skutki 11:5

„Somas andro foros Joppa, modľinavas man a sas man viďeňje. Dikhľom, sar avelas andral o ňebos vareso ajso sar bari lepeda mukľi tele le štare agorendar, a doavľa dži paš ma.

Skutki 12:8

O aňjelos leske phenďa: „Phand o sirimos a uri o sandalki!“ O Peter oda kerďa a o aňjelos leske paľis phenďa: „Le pre tu o plašťos a av pal ma!“

Skutki 26:19

Avke, kraľina Agrippa, me kerďom oda, so šunďom andro viďeňje andral o ňebos.

Skutki 9:10

Andro Damašek sas varesavo učeňikos, savo pes vičinelas Ananijaš. Leske phenďa o Raj andro viďeňje: „Ananijaš!“ „Kade som, Rajeja,“ odphenďa.

Židenge 11:8

Le pačabnaha o Abraham šunďa le Devles, sar les vičinďa, hoj te džal avri andral peskri phuv pre oda than, so leske o Del kamľa te del. Geľa bi oda, hoj te džanľahas, kaj džal,