Skutki 10:41 - Le Devleskero Lav Andre Romaňi Čhib Slovensko 2021

⁴¹ Na sikavelas pes savore manušenge, ale ča le švedkenge, saven peske o Del imar anglal kidňa avri, amenge, save leha chahas the pijahas paloda, sar ušťiľa andral o meriben.

O keriben pal e Devleskre bičhade 1936 (Morava)

⁴¹ Na savorenge, uva e jakhengrenge, have ehas l’ile angleder e Bāre Devlestar, amenge, have piahas he xahas leha kana ušt’il’as kathar o mūle.

Skutki 10:41 ပူးပေါင်းရင်းမြစ်များ

Лукастар 24:30

Sar peske lenca bešľa paš o skamind, iľa o maro a paľikerďa, phagerďa a podiňa lenge.

Лукастар 24:48

A tumen san oleske o švedki.

O Evaňjelium le Janoskro 14:17

le Duchos le čačipnaskres, saves o svetos našťi prilel, bo les aňi na dikhel aňi na prindžarel. Ale tumen les prindžaren, bo dživel maškar tumende a ela andre tumende.

O Evaňjelium le Janoskro 14:19

Mek sikra a o svetos man buter na dikhela, ale tumen man dikhena. Vašoda, hoj me dživav, the tumen dživena.

O Evaňjelium le Janoskro 14:22

O Judaš, ale na oda Iškarijotsko, phenďa: „Rajeja, sar oda, hoj tut kames te sikavel amenge, a na le svetoske?“

O Evaňjelium le Janoskro 15:16

Na tumen tumenge kidňan avri man, ale me mange kidňom avri tumen a ačhaďom tumen, hoj te džan a te anen ovocje, savo ačhela. Hoj o Dad tumen te del savoro, so mangena andre miro nav.

O Evaňjelium le Janoskro 15:27

A the tumen svedčinena pal ma, bo san manca ešebnovarestar.“

O Evaňjelium le Janoskro 21:13

O Ježiš avľa pašeder, iľa o maro a podiňa lenge. Avke kerďa the la ribaha.

Skutki 1:22

ko sas amenca akorestar, sar sas o Ježiš boldo le Janostar, dži andre oda džives, sar sas amendar ilo upre. Bo oda murš ačhela švedkos jekhetane amenca, hoj o Ježiš ušťiľa andral o meriben.“

Skutki 1:4

Sar mek sas lenca jekhetane, prikazinelas lenge: „Ma džan het andral o Jeruzalem, ale užaren pre oda daros, pal savo tumenge vakeravas a pal savo miro Dad diňa lav, hoj tumen dela.

Skutki 10:39

Amen sam o švedki savoreske, so ov kerelas andre židoviko phuv the andro Jeruzalem. Paľis les murdarde a primarde pro kerestos.

Skutki 13:31

a ov pes buter dživesa sikavelas olenge, ko andral e Galileja avle jekhetane leha andro Jeruzalem. On hine akana leskre švedki anglo nipi.