Rimanenge 9:25 - Le Devleskero Lav Andre Romaňi Čhib Slovensko 2021

²⁵ Avke sar the andro Hozeaš phenel: „Olen, ko na sas mire manuša, vičinava ‚mire manuša‘ a olenge, kas na kamavas, phenava: ‚Kamav tumen.‘

Rimanenge 9:25 ပူးပေါင်းရင်းမြစ်များ

2. Samueloskro 7:24

Tu kerďal, hoj o Izraeliti te aven tire manuša pro furt, a tu, RAJEJA, ačhiľal lengro Del.

Ezechiel 16:8

Paľis pašal tu pale predžavas, a sar pre tu dikhľom, dikhľom, hoj tuke imar hin o berša pro kamiben. Avke pre tu čhiďom miro plašťos a učharďom tuke andre tiro langipen. Iľom tuha vera a phandľom tuha e zmluva a ačhiľal miri romňi, phenel o RAJ, o Adonaj.

Hozeaš 2:23

Andre oda džives odphenava pro modľitbi,“ phenel o RAJ, „phenava le ňeboske a o ňebos dela o brišind pre phuv,

O Evaňjelium le Janoskro 16:27

se korkoro o Dad tumen rado dikhel, bo tumen man rado dikhenas a pačanďiľan, hoj me avľom le Devlestar.

Rimanenge 1:7

A vašoda pisinav tumenge savorenge andro foros Rim, kas o Del kamel a kas peske kidňa avri sar peskre manušen: E milosť the o smirom tumenge le Devlestar, amare Dadestar the amare Rajestar le Ježišostar Kristostar!

1. Peter 2:10

Tumen varekana na sanas le Devleskre manuša, no akana san leskre manuša; varekana sanas bi e milosť le Devleskri, ale akana la chudňan.