Rimanenge 7:24 - Le Devleskero Lav Andre Romaňi Čhib Slovensko 2021

²⁴ Ó, savo čoro manuš som! Ko man lela avri andral kada meribnaskro ťelos?

Rimanenge 7:24 ပူးပေါင်းရင်းမြစ်များ

1. Kraľengro 8:38

šun dojekh modľitba the o mangipen vaš o jileskeriben. Te pes chocko andral tiro narodos ke tu mangela, abo te nacirdela peskre vasta ke kada Chramos,

Žalmi 102:20

„O RAJ andral peskro sveto than dikhľa tele, andral o ňebos dikhelas pre phuv,

Žalmi 119:131

Phundrade mujeha užarav, bo som igen smedno pal tire prikazaňja.

Žalmi 119:143

O pharipen the o trapišagos pre ma aven, ale tire prikazaňja mange anen o radišagos.

Žalmi 119:176

Bludzinav sar o našado bakroro. Av te rodel tire služobňikos, se me na bisterďom pre tire prikazaňja.

Žalmi 119:20

Mira duša igen cirdel te prindžarel furt tire sudi.

Žalmi 38:2

RAJEJA, ma karhin man andre tiri choľi, ma mar man, sar sal choľamen.

Žalmi 6:6

Bo maškar o mule ňiko na lašarel tiro nav! Ko tut bararela andral o hrobos?

Žalmi 71:11

„O Del les omukľa. Džan pal leste a chuden les, bo ňiko les na zachraňinela.“

Žalmi 72:12

Ov zachraňinela le čores, sar vičinela, oles, kas nane ňič, kaske nane ko te pomožinel.

Žalmi 88:5

Som rachimen maškar ola, ko džan tele andro hrobos; som sar murš bi e zor.

Ezechiel 9:4

O RAJ leske phenďa: „Dža prekal o foros, prekal o Jeruzalem, a poznačin pro čekata ole manušen, savenge hin pharo a roven vaš o baro džungipen, so pes kerel andro foros.“

Micheaš 7:19

Tuke ela pale pharo vaš amenge, uštareha le pindrenca pre amare vini a čhiveha savore amare bini andro baro moros.

Matuš 5:4

Bachtale hine ola, ko roven, bo o Del lenge dela pale o radišagos.

Matuš 5:6

Bachtale hine ola, ko hine bokhale the smedna pal o spravodľišagos, bo on ena čaľarde.

Лукастар 4:18

„O Duchos le Rajeskro hin upral mande, bo man pomazinďa te vakerel le čorenge o evaňjelium, [bičhaďa man te sasťarel olen, kas hin dukhade jile,] te del te džanel le zaphandlenge, hoj hine premukle; le korenge te phundravel o jakha; te premukel olen, ko cerpinen,

Rimanenge 6:6

Se džanas, hoj amaro purano manuš sas jekhetane leha ukrižimen, hoj te avel zňičimen o binošno ťelos, hoj imar buter te na avas otroka le binoske.

Rimanenge 8:13

bo te dživen le ťeloske, merena, ale te le Duchoha meraren o skutki le ťeloskre, dživena.

Rimanenge 8:2

Bo o zakonos le Duchoskro, so amen del o dživipen andro Ježiš Kristus, man oslobodzinďa andral o zakonos le binoskro the andral o meriben.

Rimanenge 8:23

No na ča oda, ale the amen, save chudňam le Duchos sar oda ešebno daros le Devlestar, cerpinas andre peste, sar užaras pro Del, hoj amendar te kerel peskre čhaven a te oslobodzinel amaro ťelos.

Rimanenge 8:26

Avke the o Duchos pomožinel amare slabišagenge. Se amen na džanas, vaš soske pes amenge kampel te modľinel. Ale korkoro o Duchos pes privakerel vaš amenge avke, hoj pes aňi le lavenca na del te phenel avri.

Kološanenge 2:11

Tumen san andre leste obrezimen, ale na san obrezimen le manušeskre vastenca. Ale o Kristus tumen obrezinďa akor, sar sas pal tumende čhido tele o ťelesno dživipen.

2. Timoteoske 4:18

O Raj man the cirdela avri andral savoro nalačhipen a zachraňinela man a lela andre peskro ňeboskro kraľišagos. Leske mi džal e slava pro furt! Amen.

Titoske 2:14

Ov diňa pes korkores vaš amenge, hoj amen te cinel avri andral savoro nalačhipen a hoj peske te žužarel peskre avrikidle manušen, save igen kamen te kerel o lačhipen.

Židenge 2:15

A avke oslobodzinďa olen, ko calo peskro dživipen sas zaphandle sar otroka andre dar le meribnastar.

Zjaveňje 21:4

Ov khosela savore apsa pal lengre jakha a o meriben imar buter na ela. Aňi žaľa, aňi vika, aňi dukh imar buter na ena, bo o ešebna veci našľile.“