Rimanenge 4:12 - Le Devleskero Lav Andre Romaňi Čhib Slovensko 2021

¹² A ov hino dad the olenge, ko hine obrezimen, olenge, ko na ča hoj hine obrezimen, ale the dživen andre oda pačaben, sar amaro dad o Abraham dživelas mek angloda, sar sas obrezimen.

Rimanenge 4:12 ပူးပေါင်းရင်းမြစ်များ

O Job 33:11

O pindre mange zaphandľa andro kľigina; pozorinel savore mire droma.‘

Žalmi 47:9

O Del kraľinel upral o narodi, o Del bešel pre peskro sveto tronos.

Prislovja 2:20

Vašoda phir pal o drom le lačhe manušengro the pal o chodňikos le spravodľive manušengro.

Nekšukareder giľi 1:8

Tu, so sal nekšukareder le džuvľendar, te na džanes, kaj hin oda than, dža pal o stopaja le bakrengre a muk tire kozicen te chal e čar paš o stani le pasťjerengre.

Ezechiel 33:24

„Manušeja, o manuša, so bešen andro rozburimen fori le Izraeloskre, phenen: ‚O Abraham sas ča korkoro a the avke zaiľa e phuv sar ďeďictvos. Ale amen sam but; akor the amenge sas diňi e phuv sar ďeďictvos.‘

Matuš 3:9

Ma gondoľinen tumenge, hoj phenena: ‚Se o Abraham hino amaro dad!‘ Bo phenav tumenge, hoj o Del kale barendar šaj kerel le Abrahamoskre čhaven!

Rimanenge 4:11

A ov priiľa e obriezka sar o znameňje, sar e pečať le spravodľišagoskri, hoj les sas pačaben mek angloda, sar sas obrezimen. Avke ačhiľa o Abraham dad savorenge, ko pačana, hoj the lenge pes oda te rachinel sar o spravodľišagos, the te nane obrezimen.

Rimanenge 4:13

Bo na prekal o zakonos sas dino o lav le Abrahamoske the leskre čhavenge, hoj ela o ďeďičis le svetoskro, ale prekal o spravodľišagos, so avel le pačabnastar.

2. Korinťanenge 12:18

Mangľom le Titus a bičhaďom leha le phrales. Či o Titus tumen viužinďa avri? Či na phirahas andre oda jekh duchos, ole jekhe dromeha?

1. Peter 2:21

Se pre oda sanas le Devlestar vičimen, bo the o Kristus cerpinelas vaš tumenge a sikaďa tumenge sar te dživel, hoj te keren avke sar ov.