Rimanenge 3:20 - Le Devleskero Lav Andre Romaňi Čhib Slovensko 2021

²⁰ Bo le zakonoskre skutkendar na ela anglal leste ospravedlňimen ňisavo manuš. Se prekal o zakonos pes prindžarel o binos.

Rimanenge 3:20 ပူးပေါင်းရင်းမြစ်များ

O Job 15:15

Se dikh, o Del pes na mukel aňi pre peskre aňjela a mek aňi o ňebos nane žužo andre leskre jakha!

Žalmi 130:3

RAJEJA, te tu amenge rachineha o bini, ó Adonaj, ko šaj obačhela?

Žalmi 143:2

Ma sudzin tire služobňikos, bo ňisavo džido manuš nane spravodľivo anglal tu.

Skutki 13:39

Andre leste hin ospravedlňimen sako, ko pačal.

Rimanenge 2:13

Bo paš o Del nane čačipnaskre ola manuša, so ča šunen o zakonos, ale ola, ko les doľikeren.

Rimanenge 3:28

Bo amen pačas, hoj o manuš hino ospravedlňimen le pačabnaha bi o skutki le zakonoskre.

Rimanenge 4:13

Bo na prekal o zakonos sas dino o lav le Abrahamoske the leskre čhavenge, hoj ela o ďeďičis le svetoskro, ale prekal o spravodľišagos, so avel le pačabnastar.

Rimanenge 4:15

Bo le zakonoha avel e choľi, ale kaj nane zakonos, ode nane aňi binos.

Rimanenge 5:13

O binos sas pro svetos imar the anglo zakonos, ale te nane zakonos, o binos pes na rachinel.

Rimanenge 5:20

Andre oda avľa mek the o zakonos, hoj te barol o binos. Ale kaj bariľa o binos, ode mek buter bariľa le Devleskri milosť,

Rimanenge 7:11

O binos pes olestar chudňa, klaminďa man prekal o prikazaňje a murdarďa man.

Rimanenge 9:32

Soske? Vašoda, hoj on pes na mukenas pro pačaben, ale pre peskre skutki. Avke pele pro bar a demade pes,

1. Korinťanenge 15:56

O meriben lel peskri zor le binostar a o binos lel peskri zor le zakonostar.

Galaťanenge 2:16

ale džanas, hoj o manuš pes našťi ospravedlňinel prekal o skutki le zakonoskre, ale ča prekal o pačaben andro Ježiš Kristus. The amen pačanďiľam andro Ježiš Kristus, hoj te avas ospravedlňimen prekal o pačaben le Kristoskro, a na prekal o skutki le zakonoskre. Bo prekal o skutki le zakonoskre na ela ospravedlňimen ňisavo manuš.

Galaťanenge 2:19

Bo me prekal o zakonos muľom le zakonoske, hoj te dživav le Devleske. Som ukrižimen jekhetane le Kristoha.

Galaťanenge 5:4

Tumen, ko kamen te avel ospravedlňimen prekal o zakonos, san calkom odďelimen le Kristostar. Peľan avri andral e milosť le Devleskri.

Židenge 7:19

Se o zakonos našťi kerďa ňikastar dokonalo. No akana amen hin feder naďej, savaha avas pašeder paš o Del.