Rimanenge 3:1 - Le Devleskero Lav Andre Romaňi Čhib Slovensko 2021

¹ So hin feder le Židen avre narodendar, abo savi chasna hin la obriezkatar?

Rimanenge 3:1 ပူးပေါင်းရင်းမြစ်များ

1. Mojžišoskro 25:32

„Mištes!“ odphenďa o Ezav. „Se the avke maj merava! Pre soste mange hin kada pravos?“

Žalmi 147:20

Prekal ňisave aver narodi oda na kerďa; on na prindžaren leskre zakoni. Haleluja!

Kazaťeľis 6:11

So buter vakeras, frimeder oda hin pre chasna. So hin le manušes olestar?

Kazaťeľis 6:8

Bo so hin feder le goďaveres sar le dilines? A so hin feder le čores, savo džanel sar te dživel?

Malachijaš 3:14

Tumen phenen: ‚Zbitočňe hin te služinel le Devleske. So amen hin olestar, hoj doľikerahas leskre zakoni a hoj sikavahas le Nekzoraleder RAJESKE, hoj amenge sas pharo vaš amare bini?

O Evaňjelium le Janoskro 4:22

Tumen lašaren oles, kas na prindžaren. Ale amen lašaras oles, kas prindžaras, bo o spaseňje avel le Židendar.

Rimanenge 3:2

Igen bari chasna andre savoreste! Ešeb oda, hoj lenge sas dine le Devleskre lava.

Rimanenge 3:9

So akor? Hine o Židi feder sar o aver narodi? Ňisoha na! Se akana phenďam the pro Židi the pre aver narodi, hoj savore hine tel e zor le binoskri.

1. Korinťanenge 15:32

Bo te oda sas mandar, hoj man andro Efezus maravas sar le dzive džvirenca, akor so man hin olestar? Te o mule na ušťen andral o meriben, ta akor „chas, pijas, bo tajsa meraha!“

Židenge 13:9

Ma den tumen te odlel le všelijake avre sikavibenenca. Bo hin mištes, te o jilo hino zoraľardo le Devleskra milosťatar a na ole zakonendar pal o chabena, so nane pre chasna olenge, ko oda doľikeren.