Prislovja 7:26 - Le Devleskero Lav Andre Romaňi Čhib Slovensko 2021

²⁶ Angle late sas but murša dukhade pro meriben; murdarde sas ajci džene, hoj pes aňi na del te zgenel.

Prislovja 7:26 ပူးပေါင်းရင်းမြစ်များ

2. Samueloskro 3:27

Sar o Abner avľa pale andro Hebron, o Joab leske phenďa: „Kamav tuha ča korkoro te vakerel.“ Paľis les ľigenďa paš e brana le foroskri, ode leske predemaďa o per la šabľaha a ov muľa. O Joab leske kamľa te visarel pale vaš oda, hoj murdarďa leskre phrales le Asahel.

Nehemiaš 13:26

Či na kerďa aleha binos the o izraeliko kraľis o Šalamun? Maškar o but narodi na sas ajso kraľis sar ov. Sas pre dzeka peskre Devleske a ov les ačhaďa kraľiske upral calo Izrael, ale the avke o džuvľa andral aver narodi les cirdle andro binos.

Prislovja 2:18

O drom andre lakro kher ľidžal andro meriben, bo džal tele andro than le mulengro.

Prislovja 23:28

Oj pre tu užarel sar o zbujňikos a but muršendar kerel napačivalen.

Prislovja 6:33

Ajso dženo ela mardo a teledikhlo a e ladž ačhela pre leste furt.

Prislovja 7:27

Lakro kher ľidžal andro than le mulengro; ko džala andre, merela.

Prislovja 9:18

Ale on na džanen, hoj ola, ko džan ke late, meren a hoj lakre hosci imar hine dži tele andro than le mulengro.

1. Korinťanenge 10:8

Aňi te na keras o lubipen, sar varesave lendar kerenas a tel jekh džives lendar mule avri 23 000 manuša.

2. Korinťanenge 12:21

Bo sar avava pale ke tumende, na kamav man te ladžal anglo Del a na kamav te rovel upral ola but manuša, save kerde o bini, ale mek pes na visarde le nažuže vecendar, le lubipnastar the ole džungale vecendar, so kerde.

1. Peter 2:11

Phralale mire, phenav tumenge sar olenge, ko nane khere kade pre phuv a ko ča pal kadi phuv predžan: Zľikeren tumen le ťelesne žadoscendar, so pes maren tumara dušaha!

Sudcengro 16:21

O Filišťinci les chudle, ile leske avri o jakha a ľigende les andre Gaza. Ode les phandle le brondzune kľiginenca a andre bertena mušinelas te erňinel o zrnos.