Prislovja 6:6 - Le Devleskero Lav Andre Romaňi Čhib Slovensko 2021

⁶ Tu, so sal leňivo, dža ko mravci, dikh o dromora le mravcengre a sikľuv!

Prislovja 6:6 ပူးပေါင်းရင်းမြစ်များ

Prislovja 1:17

Te o čiriklo dikhel, sar nacirdes e sita, na chudela pes,

Prislovja 10:26

Sar hin o šut le dandenge a o thuv le jakhenge, avke hin o leňivo olenge, ko les den te kerel buči.

Prislovja 10:4

Te aveha leňivo, aveha čoro, no te kereha e buči mištes, barvaľoha.

Prislovja 13:4

O leňivo manuš peske žadinel a nane les ňič, no oles, ko kerel mištes buči, ela savoro, so kamel.

Prislovja 15:19

Te sal leňivo, ela tuke phares všadzik, ale te sal pačivalo, na ela tut ňisavo pharipen.

Prislovja 18:9

O leňivo andre buči hino phral oleske, so savoro musarel.

Prislovja 19:15

O leňivišagos ľidžal andro zoralo soviben; o leňivo manuš ela bokhalo.

Prislovja 19:24

O leňivo manuš thovel o vast andro čaro, ale paš o muj imar na dohazdel.

Prislovja 20:4

Le leňive manušeske pes na kamel te orinel jesone, ale sar hin e žatva, rodel a nane les ňič.

Prislovja 21:25

O leňivo merela, bo ča žadinel a leskre vasta na kamen te kerel buči;

Prislovja 22:13

O leňivo phenel: „Avri hino o ľevos! Murdarela man pro pľacos!“

Prislovja 23:19

Šun, čhavo miro, av goďaver a tiro jilo mi džal rovne dromeha:

Prislovja 30:24

Kala štar džviri pre phuv hine cikne, ale igen goďaver:

Prislovja 30:25

O mravci – nane zorale, ale ňilaje peske pripravinen o chaben;

Prislovja 6:9

Leňivcona, dži kana kames te pašľol? Kana ušťeha andral o soviben?

Izajaš 1:3

O volos prindžarel peskre gazdas a o somaris džanel o valovos, khatar les leskro raj karminel, ale o Izrael oda na džanel; mire manuša na achaľon.“

Jeremijaš 8:7

Mek the o bocianos pro ňebos džanel peskro časos; e hrdlička, e lastovička the o drozdos doľikeren o časos kana te džal het a kana te avel pale, ale mire manuša na džanen, so lendar o RAJ kamel.

Matuš 25:26

Ale leskro raj leske odphenďa: ‚Nalačho the leňivo sluhona! Džanehas, hoj kidav upre ode, kaj na sadzinďom, a lav mange oda, so na rozčhiďom.

Matuš 6:26

Dikhen pro čirikle pro ňebos, hoj aňi na sadzinen, na kiden upre aňi na sthoven andro šopi, a tumaro ňeboskro Dad pes pal lende starinel! Či tumen na san vzacneder sar on?

Rimanenge 12:11

Keren savoro prekal oda, hoj te služinen le Rajeske radišagoha andral calo jilo.

Židenge 6:12

Na kamas, hoj te ačhen leňiva, ale hoj te aven ajse sar ola, ko ľikeren avri a pačan, a oleha te dochuden oda, so tumenge o Del phenďa.