Prislovja 5:16 - Le Devleskero Lav Andre Romaňi Čhib Slovensko 2021

¹⁶ Kames, hoj pes tire prameňa te rozčhiven avri pro uľici? Soske te rozdes tiro kamiben avre džuvľenge andro foros?

Prislovja 5:16 ပူးပေါင်းရင်းမြစ်များ

1. Mojžišoskro 24:60

Požehňinde la Rebeka a phende lake: „Pheňe amari, av daj le čhavenge ezera-ezerenge a tire potomki mi prelen o fori peskre ňeprijaťeľenge!“

Žalmi 127:3

O čhave hine daros le RAJESTAR, o čhavoro la dake andro per hin le RAJESKRI odmena.

Žalmi 128:3

Tiri romňi ela andre tiro kher sar e viňica, so anel but ovocje, tire čhave ena pašal tiro skamind sar o terne olivova stromi.

Žalmi 68:26

Anglal džanas o spevaka, palal o lavutara, maškaral o čhaja le čerkutkenca.

Prislovja 5:15

Pi o paňi andral tiri chaňig, o paňi, so avel andral tiri chaňigori!

Prislovja 5:17

Tiro kamiben hino ča prekal tiri romňi; ma de les avra džuvľake!

Prislovja 5:18

Av požehňimen tire prameňistar a radisaľuv tira romňatar, savaha sal terňipnastar!

Prislovja 9:17

„O čordo paňi hino gulo a o chaben, so chas počoral, hino igen lačho.“

Nekšukareder giľi 4:12

Tu sal e zarimen zahrada, pheňe miri, terňije miri; e zarimen zahrada, o prameňis, so hino zakerdo andre.

Nekšukareder giľi 4:15

Tu sal o prameňis andre zahrada, e chaňig le džide paňeha, so čuľal tele pal o Libanon.

Izajaš 48:21

Sar len o RAJ ľidžalas pal e pušťa, na cerpinenas smedos; ov diňa, hoj lenge o paňi te džal andral e skala, pharaďa e skala pre jepaš a demaďa avri o paňi.

5. Mojžišoskro 33:28

Le Jakoboskre potomki dživen andro smirom andre phuv, kaj hin pherdo zrnos the mol, kaj e rosa andral o ňebos zaučharel e phuv.

Sudcengro 12:9

Sas les tranda (30) murša the tranda (30) čhaja. Peskre čhajen diňa romeste avra famelijake a peskre čhavenge anďa tranda (30) čhajen andral aver famelija. O Ibcan sas sudcas andro Izrael efta berš.