Prislovja 3:34 - Le Devleskero Lav Andre Romaňi Čhib Slovensko 2021

³⁴ O RAJ asal avri olen, save asan, no le pokornen del peskri milosť.

Prislovja 3:34 ပူးပေါင်းရင်းမြစ်များ

Žalmi 138:6

O RAJ hino upre učes, a the avke dikhel, ko hino teledikhlo, ale le barikanes prindžarel dural.

Žalmi 18:26

Ko žužejileskro sal the tu žužejileskro, ko pačivalo sal the tu pačivalo;

Prislovja 1:26

asava tumendar, sar pre tumende avela o pharipen a sar pre tumende demela e pohroma;

Prislovja 14:9

O diline peske asan, sar keren o binos, ale le Devleske hin pre dzeka ola, ko keren, so hin čačo.

Prislovja 16:19

Feder hin te el pokorno a te avel le čorenca, sar peske te rozďelinel le barikanenca oda, so ande andral o mariben.

Prislovja 19:29

Pre ola, ko peske keren pheras savorestar, hin imar pripravimen o tresti, a pre savore diline o rani pal o dumo.

Prislovja 21:24

Oda manuš, ko peske kerel pheras savore lačhipnastar, hino barikano a ľidžal pes upre, andre peskro baripen ňikastar na ačhel.

Prislovja 9:12

Te aveha goďaver, ela oda pre tiro lačho, ale te asaha olestar, tu korkoro cerpineha.

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Jakob 4:6

Se o Del del bareder milosť. Vašoda phenel le Devleskro Lav: „O Del džal pro barikane, ale le pokornen del peskri milosť.“

1. Peter 5:5

Avke the tumen o terneder: Podden tumen le phurederenge a savore tumen podden jekh avrenge. A uren tumen andre pokora, bo o Del pro barikane džal, ale le pokornen del peskri milosť.