Prislovja 3:18 - Le Devleskero Lav Andre Romaňi Čhib Slovensko 2021

¹⁸ O goďaveripen hin o stromos le dživipnaskro olenge, ko pes lestar chuden, a požehňimen hine, save pes lestar ľikeren.

Prislovja 3:18 ပူးပေါင်းရင်းမြစ်များ

1. Mojžišoskro 2:9

A o RAJ, o Del, diňa te barol andral e phuv všelijaka stromi, so sas šukar pro jakha a igen lačhe te chal. Maškar e zahrada diňa te barol avri o stromos le dživipnaskro a the o stromos le prindžaripnaskro, savo del te džanel, so hin lačho a so nalačho.

1. Mojžišoskro 3:22

Paľis o RAJ, o Del, phenďa: „Dikh, o manuš akana ačhiľa sar jekh amendar, bo imar džanel, so hin lačho a so nalačho. Te na lel mek akana the o ovocje pal o stromos le dživipnaskro, a te na les chal a dživela pro furt.“

Prislovja 11:30

O čačipnaskro chala pal o stromos le dživipnaskro a o goďaver murš zachraňinela o dživipena.

Prislovja 13:12

Te pes na ačhel oda, pre soste pes o manuš zmukel, leskro jilo nasvaľol, ale te chudel, so igen mangelas, hin leske oda sar o stromos le dživipnaskro.

Prislovja 15:4

O šukar vakeriben hin sar o stromos le dživipnaskro, ale e previsarďi čhib dukhavel pro duchos.

Prislovja 4:13

Chude tut zorales mire sikavibnastar, ma domuk les te džal het, stražin tuke les, bo hino tiro dživipen.

Prislovja 8:32

Avke akana, čhavale, šunen man! Bachtale hine ola, ko phiren pal mire droma.

Prislovja 8:34

Bachtalo manuš, ko man šunel, oda, ko hino paš miro vudar sako džives a užarel pre ma paš mire brani.

Kazaťeľis 7:12

O goďaveripen tut učharela andre avke sar o barvaľipen; e chasna le prindžaripnastar hin kadi: O goďaveripen chraňinel o dživipen olenge, kas oda hin.

Zjaveňje 2:7

Kas hin kana, mi šunel, so o Duchos phenel le khangerenge! Oles, ko zviťazinela, dava te chal pal o stromos le dživipnaskro, so hin andro rajos le Devleskro.“

Zjaveňje 22:2

a džalas maškar e uľica le foroskri. A pal o soduj seri le paňeskre sas o stromos le dživipnaskro, so anel dešuduvar beršeste ovocje: Sako čhon del peskro ovocje a o prajti pal o stromos hin pro sasťipen le narodenge.