Prislovja 3:14 - Le Devleskero Lav Andre Romaňi Čhib Slovensko 2021

¹⁴ Oda mol buter sar o rup a dela tut oda, so hin feder sar o somnakaj.

Prislovja 3:14 ပူးပေါင်းရင်းမြစ်များ

Žalmi 119:111

Tire sikavibena hine miro ďeďictvos pro furt, bo miro jilo lendar radisaľol.

Žalmi 119:162

Tire lavestar radisaľuvav avke sar oda, ko arakhel baro barvaľipen.

Žalmi 119:72

O zakonos andral tiro muj mange hin vzacneder sar ezera somnakune the rupune love.

Prislovja 16:16

Te dochudel o goďaveripen hin feder sar o žužo somnakaj a te skidel o achaľuvipen hin buter sar o rup.

Prislovja 2:4

te oda rodeha avke sar o rup a kameha oda te arakhel avke sar o garudo barvaľipen,

Prislovja 8:19

Oda, so tut me dava, mol buter sar o žužo somnakaj a hin feder sar o nekžužeder rup.

Kazaťeľis 7:11

O goďaveripen, avke sar o ďeďictvos, hin lačhi veca; anel chasna olenge, ko dživen pre phuv.

Matuš 16:26

Bo so hin le manušes olestar, hoj calo svetos ela leskro a o dživipen našavela? Soha šaj o manuš počinel vaš peskro dživipen?

Zjaveňje 3:18

Dav tut goďi: Cin tuke mandar o somnakaj prežužardo andre jag, hoj te barvaľos. Cin tuke mandar the o parne gada, hoj tut te ures, hoj pes te na sikavel e ladž tire langipnaskri. A cin tuke mandar the e masca te makhel pro jakha, hoj te dikhes.