Prislovja 27:6 - Le Devleskero Lav Andre Romaňi Čhib Slovensko 2021

⁶ O dovakeribena tire prijaťelistar, savo tut kamel, hine feder sar o but čumibena olestar, ko tut našťi avri ačhel.

Prislovja 27:6 ပူးပေါင်းရင်းမြစ်များ

Žalmi 141:5

Te man demela o čačipnaskro manuš – oda hin o kamiben; te man pokarhinela – oda hin sar olejos pro šero; miro šero oda prilela. Ale me man furt modľinava, hoj o nalačhe te aven marde vaš oda, so keren.

Prislovja 10:18

Oda, ko garuvel andre, hoj varekas našťi avri ačhel, hino klamaris. Ko vakerel o pľetki, hino dilino.

Prislovja 20:30

O mariben the o modrini traden avri o nalačhipen a o rani žužaren le manušes andral.

Prislovja 27:7

O čalo na kamel te chal aňi o medos, ale le bokhaleske hin gulo the o kirko chaben.

Prislovja 28:23

Oles, ko dovakerel le manušeske, pro koňec ela buter pačiv sar oles, ko vakerel o gule lava.

Židenge 12:10

Amare dada amen zoraha bararenas avri, medik samas čhavore, avke sar peske on gondoľinenas, hoj hin mištes. No o Del amen bararel avri pre amari chasna, hoj te avas ajse sveta sar ov.

Zjaveňje 3:19

Me sakones, kas kamav, karhinav a zorales bararav avri. Vašoda av horľivo a visar tut le binendar!