Prislovja 27:1 - Le Devleskero Lav Andre Romaňi Čhib Slovensko 2021

¹ Ma lašar tut tajsaskre dživeseha, bo na džanes, so oda džives anela.

Prislovja 27:1 ပူးပေါင်းရင်းမြစ်များ

1. Kraľengro 20:11

O kraľis o Achab pre oda odphenďa: „Oda, ko mekča lel o zbraňe andro vasta, te na lašarel pes avke sar oda, ko imar thovel tele e šabľa pal o mariben.“

Ester 5:12

A vakerelas lenge: „Ale mek oda nane savoro! Adadžives man e kraľovna Ester vičinďa pre hoscina a somas ode ča me le kraľiha. A tajsa kerela e kraľovna pale hoscina a vičinďa man jekhetane le kraľiha!

Žalmi 95:7

Se ov hino amaro Del a amen sam o manuša pal leskri maľa, o bakrore, saven ľidžal leskro vast. Adadžives, te šunďanas leskro hangos:

Kazaťeľis 8:7

Ňiko na džanel, so pes ačhela, vašoda ňiko našťi phenel, sar ela.

Izajaš 56:12

„Aven,“ phenen peske, „džav te anel mol! Mačuvaha peske le zorale pijibnastar! A tajsa ela avke sar adadžives abo mek sikra feder.“

2. Korinťanenge 6:2

Bo phenel: „Andro milosťivo časos tut šunďom avri; andro džives la spasakro tuke pomožinďom.“ Dikh, akana hin oda milosťivo časos, akana hin oda džives la spasakro!

1. Samueloskro 28:19

Tut the calo Izrael dela andro vasta le Filišťincenge a tu the tire čhave avena tajsa kade, kaj som me. O RAJ dela the le izraelike slugaďen andro vasta le Filišťincenge.“