Prislovja 26:4 - Le Devleskero Lav Andre Romaňi Čhib Slovensko 2021

⁴ Ma odphen le dilineske pre leskro diliňipen, hoj te na aves ajso sar ov.

Prislovja 26:4 ပူးပေါင်းရင်းမြစ်များ

1. Kraľengro 12:14

Vakerelas lenca avke, sar leske phende o terne murša: „Miro dad pre tumende thoďa pharo jarmos, ale me pre tumende thovava meksa phareder! Miro dad tumen marelas le bičociha, ale me pal tumende cirdava tele e cipa!“

1. Kraľengro 12:16

Sar savore Izraeliti dikhle, hoj o kraľis o Rechabeam len na šunďa, phende leske: „Nane amen ňič le Davidoha! So amen hin le Izajoskre čhaha? Andre peskre stani, Izrael! Akana David, starin tut pal peskro kher!“ Avke savore Izraeliti gele khere

Prislovja 17:14

Sar chudel o vesekedišagos, sar te pes mukľahas avri o paňi andral e hradza, vašoda preačh, medik na demel zorales avri.

Prislovja 23:9

Le dilineha ma vaker, bo dikhela tele tire goďaver lava.

Prislovja 26:5

Odphen le dilineske pre leskro diliňipen, hoj pes te na šunel goďaver angle peskre jakha.

Prislovja 29:9

Sar pes o goďaver sudzinel le dilineha, ča viskinel vaj asal a furt nane smirom.

Izajaš 36:21

Ale o manuša sas čhit a na phende pre oda ňič, bo o Chizkija lenge prikazinďa: „Ma odphenen leske aňi lav.“

Matuš 7:6

Ma den oda, so hin sveto, le rikonenge aňi ma čhivkeren tumare perli anglo bale, hoj pre lende te na uštaren le pindrenca, te na pes visaren a te na rozčhingeren tumen.“

1. Peter 3:9

Ma den pale o nalačho le nalačhipnaha abo o košiben le košibnaha, ale keren oda visara, tumen žehňinen, bo pre oda san vičimen, hoj te zďeďinen o požehnaňje.

Juda 1:9

Se mek aňi o archaňjelos o Michael, sar pes marelas le bengeha vaš o ťelos le Mojžišoskro, pes na opovažinďa leske namištes te phenel. Ča phenďa: „O Raj tut mi marel!“