Prislovja 24:7 - Le Devleskero Lav Andre Romaňi Čhib Slovensko 2021

⁷ O goďaveripen hin igen učo le dilineske; sar pes zdžan o manuša, nane les ňič lačho te phenel.

Prislovja 24:7 ပူးပေါင်းရင်းမြစ်များ

O Job 31:21

a kajte džanavas, hoj vaš ma zaačhilehas pro sudos, šoha na hazdňom o vast pre širota.

O Job 5:4

Leskre čhave hine dur la zachranatar; cerpinen pro sudos andre brana, ale nane ko vaš lenge te zaačhel.

Žalmi 10:5

Leskre droma leske aven avri andre dojekh časos; tire zakoni hine leske igen učes; asal avri peskre ňeprijaťeľen.

Žalmi 127:5

Bachtalo hin oda murš, savo peske lenca pherdžarďa o tulcos. On pes na ladžana, sar pes sudzinena peskre ňeprijaťeľenca paš e brana pro sudos.

Prislovja 14:6

Ko asal le goďaveripnastar, šoha les na arakhela, ale oda, ko hino goďaver, lokes sikľol.

Prislovja 15:24

O goďaver manuša phiren pal o drom, so len ľidžal upre andro dživipen a obdžan o drom, so džal tele andro meriben.

Prislovja 17:16

Pre soste hin o love andro vasta le dilineske? Cinela peske goďi? Se oleske na achaľol!

Prislovja 17:24

O goďaver peske kidel avri te kerel oda, so hin goďaver, ale o dilino furt gondoľinel pro všelijaka veci a na džanel, so kamel te kerel.

Prislovja 17:7

Le dilineske na pasinel te vakerel rajikanes, avke sar le vladcaske na pasinel te klaminel.

Prislovja 22:22

Ma občorar le čores, bo les nane ňič, a ma trapin les pro sudos.

Prislovja 28:5

O nalačhe manuša na achaľon, so hin te kerel o čačipen, ale ola, ko roden le RAJES, oleske mištes achaľon.

Prislovja 31:23

Lakre romes mištes džanen paš e foroskri brana, kaj zabešel la phuvakre vodcenca.

Izajaš 29:21

ola, ko obviňinenas le manušes vaš jekh lav, ola, ko le sudcaske andre foroskri brana thovenas o pasci, the ola, ko sudzinenas le spravodľivones vaš ňisoske.

Izajaš 32:6

Se o dilino vakerel o diliňipen a andro jilo gondoľinel pro nalačho, hoj te kerel o nalačhipen a namištes te vakerel pro RAJ; le bokhales mukel bokhaha a le smednones na del te pijel.

Amos 5:10

O Izraeliti našťi avri ačhen oles, ko lenge dovakerel pro sudos, a džungľol lenge oda, ko vakerel o čačipen.

Amos 5:12

Se me džanav, keci but nalačhipena kerďan a save bare hine tumare bini: Tumen trapinen le spravodľivones, žadinen le manušendar o prepočiňiben a pro sudos odčhiven le čoren.

Amos 5:15

Ma kamen o nalačho, ale kamen o lačho; anen pale o spravodľišagos pro sudos! Ko džanel, či le RAJESKE, le Nekzoraleder Devleske, na ela pharo vaš o manuša le Jozefoskre, so mek dživen.

1. Korinťanenge 2:14

Ale o ťelesno manuš na achaľol oda, so kamel le Devleskro Duchos, bo oda hin leske diliňipen. Našťi oda sprindžarel, bo oda kampel te achaľol andro Duchos.