Prislovja 22:7 - Le Devleskero Lav Andre Romaňi Čhib Slovensko 2021

⁷ O barvalo hino raj upral o čore; te varekaske kames love, sal leskro otrokos.

Prislovja 22:7 ပူးပေါင်းရင်းမြစ်များ

2. Kraľengro 4:1

Andre jekh džives pes varesavi džuvľi, savakro rom sas le prorokendar, mangelas le Elizeoske: „Tiro služobňikos, miro rom muľa a tu džanes, hoj ov daralas le RAJESTAR. Ale akana jekh murš, saveske kamav love, kamel te lel mire soduje čhaven otrokenge.“

Prislovja 14:31

Ko namištes kerel le čore manušeha, tele dikhel le Devles, savo les kerďa, ale oda, ko le čoreske presikavel o lačhipen, del pačiv le Devles.

Prislovja 18:23

O čoro vakerel pokorne mangipnaha, ale o barvalo odphenel zorales.

Prislovja 22:16

Te trapines le čoren, hoj lendar te barvaľos abo te des o dari le barvalen, ačheha čoro.

Prislovja 22:22

Ma občorar le čores, bo les nane ňič, a ma trapin les pro sudos.

Izajaš 24:2

Jednakones pre oda ena o manuša the o rašaj, o sluhas the leskro raj, e služka the lakri raňi, oda, ko bikenel, the oda, ko cinel, oda, ko del kečeň, the oda, ko lel kečeň, o interesaris the o dlžňikos.

Amos 2:6

Kada phenel o RAJ: „Na odmukava le manušenge andral o Izrael a marava len vaš o trin bini the vaš o štar, bo le spravodľivones bikenen vaš o rupune love a le čores vaš o duj sandalkici.

Amos 4:1

Šunen kada lav, barikane džuvľale andral e Samarija, so thuľon sar o gurumňa andre phuv Bašan, so trapinen le slaben, maren le čoren a phenen tumare romenge: „Džan, anen amenge te pijel!“

Amos 8:4

Šunen kada, tumen, so uštaren pro žobraka, a le čoren pre phuv odčhiven.

Amos 8:6

kamas peske te cinel le čore manušen vaš o love, le žobraken vaš o duj sandalkici a o phus te bikenel jekhetane le zrnoha.“

Matuš 18:25

Ale vaš oda, hoj les na sas sar te del pale, phenďa leskro raj, hoj les la romňaha the le čhavenca te bikenen otrokenge, a mek the savoro, so les hin, hoj te del pale oda, so le kraľiske kamelas.

Jakob 2:6

Ale tumen tele dikhľan le čores! Či nane oda ipen o barvale, ko tumen trapinen a cirden pal o sudi?

Jakob 5:1

No akana, tumen barvale, roven a hikinen upral tumare pharipena, so pre tumende avena!

Jakob 5:4

Le čore manušenge, save kerenas buči pre tumare maľi, na počinďan! Vašoda, dikh, lengro počiňiben vičinel pre tumende! O vičiňiben olengro, save kidenas upre pal tumare maľi, doavľa dži andro kana le Nekzoraledere Rajeske.