Prislovja 22:4 - Le Devleskero Lav Andre Romaňi Čhib Slovensko 2021

⁴ O počiňiben vaš e pokora the vaš e sveto dar anglo RAJ hin o barvaľipen, e slava the o dživipen.

Prislovja 22:4 ပူးပေါင်းရင်းမြစ်များ

Prislovja 19:23

E sveto dar anglo RAJ ľidžal andro dživipen, kas oda hin, sovela peske andro smirom a o nalačhipen pre leste na avela.

Prislovja 21:20

Andro kher ko goďaver hin but barvale veci, ale o dilino rozkerel savoro.

Prislovja 21:21

Ko igen džal pal o lačhipen, pačivaľiben the kamiben, arakhel o dživipen, o spravodľišagos the e slava.

Prislovja 22:3

O goďaver manuš dikhel o nalačhipen a garuvel pes, o nagoďaver džal dureder a doperela pre oda.

Prislovja 22:5

O koľaka the o pasci hine pro drom le previsarde manušeskro, ale ko chraňinel peskro dživipen, dural len obdžala.

Prislovja 29:23

O baripen le manušes thovela tele, ale oda, ko hino pokorno andro duchos, chudela e pačiv.

Prislovja 3:16

O goďaveripen ľikerel andre jekh vast o baro dživipen a andre dujto o barvaľipen the e slava;

Prislovja 31:30

Ma de tuha te thovel avri oleha, hoj e džuvľi hiňi tuke pre dzeka, bo o šukariben našľola, ale kampel te ašarel ola džuvľa, savi pes daral le RAJESTAR.

Izajaš 33:6

Ov ela tumari istota andro dživipen, tiri barvaľi zachrana, goďi the prindžaripen; e sveto dar anglo RAJ ela tiro barvaľipen.

Izajaš 57:15

Bo kada phenel o Del, savo hino baro a barardo, savo dživel furt a saveskro nav hin sveto: „Me bešav pro učo the sveto than, ale som the oleha, ko kerel pokaňje andral o jilo a hino pokorno andro duchos, hoj te obdžiďarav olen, ko hine pokorna andro duchos, the olen, ko keren pokaňje andral o jile.

Matuš 6:33

Ale roden ešeb o kraľišagos le Devleskro the leskro spravodľišagos a savore kala veci tumenge ena dine paš oda.

1. Timoteoske 4:8

Bo te zoraľares tiro ťelos, oda anel ča frima chasna, ale o sveto dživipen anel chasna the andre kada dživipen the andre oda dživipen, so avela.

Jakob 4:10

Pokorinen tumen anglo Raj a ov tumen hazdela upre.

Jakob 4:6

Se o Del del bareder milosť. Vašoda phenel le Devleskro Lav: „O Del džal pro barikane, ale le pokornen del peskri milosť.“