Prislovja 22:12 - Le Devleskero Lav Andre Romaňi Čhib Slovensko 2021

¹² O RAJ chraňinel oles, ko prindžarel o čačipen, ale o lava le napačivaleskre visarela avri.

Prislovja 22:12 ပူးပေါင်းရင်းမြစ်များ

2. Kraľengro 6:9

Ale o Elizeus le izraelike kraľiske diňa pal oda te džanel a phenďa: „De pozoris, hoj te na džas pre oda than, bo ode taborinen o Aramejčana.“

2. Kronicko 16:9

Bo o jakha le RAJESKRE predikhen caľi phuv, hoj te zoraľarel olen, save hine leske oddine cale jileha. Na kerďal goďaha, vašoda akanastar aveha furt andro mariben.“

Nehemiaš 4:9

Sar amare ňeprijaťeľa šunde, hoj pre oda avľam a o Del lenge na domukľa te kerel oda, so kamle, amen savore šaj geľam pale te kerel o muri.

Prislovja 11:3

Le lačhen ľidžal o pačivaľiben, ale o napačivale ena zňičimen peskre klamišagoha.

Prislovja 22:11

Ko kamel o žužipen andro jilo the o šukar vakeriben, ela prijaťeľis le kraľiskro.

Prislovja 22:13

O leňivo phenel: „Avri hino o ľevos! Murdarela man pro pľacos!“

Skutki 5:39

ale te oda hin le Devlestar, našťi len zaačhavena. A te na pes paľis mek sikavel, hoj džan pro Del!“ A savore andral e Bari Rada les šunde.

2. Tesaloničanenge 2:8

A paľis pes oda Manuš le Binoskro sikavela, saves o Raj o Ježiš murdarela le dichoha andral peskro muj a zňičinela peskra slavaha, sar avela.