Prislovja 19:2 - Le Devleskero Lav Andre Romaňi Čhib Slovensko 2021

² Nane mištes, te kames te kerel o lačho, ale nane tut o prindžaripen; ko siďarel, našavel o drom.

Prislovja 19:2 ပူးပေါင်းရင်းမြစ်များ

2. Kraľengro 4:39

Paľis jekh lendar geľa pre maľa te kidel varesave bilini. Arakhľa varesavi dzivo rastlina a kidňa pal late o kirko ovocje pherdo plašťos. Čhingerďa oda ovocje andre piri a thoďa len te taďol, kajte ňiko na džanelas, so oda sas.

O Job 31:5

Mi važinel man miro Del pre spravodľivo vaha a dikhela, hoj som ňevinno. Dikh, te somas falošno, te miro pindro siďarelas te thovel varekaha avri,

Prislovja 1:16

Se lengre pindre denašen te kerel o nalačho a siďaren te čhorel avri o rat.

Prislovja 10:21

O čačipnaskre vušta čaľaren but manušen, ale o diline meren, bo na achaľon.

Prislovja 14:29

O manuš, savo na choľisaľol sig, hino igen goďaver, no oda, ko sig choľisaľol, sikavel peskro diliňipen.

Prislovja 21:5

Oles, ko hino bučakro, ela savoro pherdo, ale ko sig kamel te barvaľol, ačhela čoro.

Prislovja 25:8

ma siďar te del andre pro sudos. So paľis kereha, te tut aver dženo anela andre ladž?

Prislovja 28:20

O pačivalo manuš ela igen požehňimen, no o trestos na obdžala oles, ko kamel sig te barvaľol.

Prislovja 28:22

O hamišno manuš denašel pal o barvaľipen, aňi na džanel, hoj pre leste avela o čoripen.

Prislovja 29:20

Dikhľal le muršes, savo sig vakerel a na gondoľinel? Le dilines hin feder naďej sar les.

Kazaťeľis 12:9

Na ča hoj o Kazaťeľis sas goďaver, ale mek the sikavelas le manušen o prindžaripen. Skidelas a pisinelas andre but privakeribena; mištes pal oda gondoľinelas a sikľolas.

Kazaťeľis 7:9

Ma choľisaľuv sig andre tiro duchos, bo e choľi hiňi andro jilo le dilinenge.

Izajaš 27:11

Sar leskre konarica šučona avri a phadžona, avena o džuvľa a kerena lendar jag. Bo kala manuša na achaľon, vašoda lengre Stvoriťeľiske vaš lenge na ela pharo, lengro Tvorcas len na dela milosť.

Izajaš 28:16

Vašoda kavke phenel o RAJ, o Adonaj: „Thovav pro Sion o hlavno bar, o preskušimen bar, igen vzacno, zorales zathodo; oda, ko andre leste pačala, na ladžala pes.

Hozeaš 4:6

Mire manuša meren, bo man na prindžaren. Vašoda, hoj tumen odčhiďan o prindžaripen, me tumen odčhivava andral e rašajiko služba. Vašoda, hoj bisterďan pro zakonos tumare Devleskro, the me bisterava pre tumare čhave.

O Evaňjelium le Janoskro 16:3

A kerena oda, bo na prindžarde aňi le Dades aňi man.

Rimanenge 10:2

Šaj phenav, hoj labon pal o Del, ale nane len spravno prindžaripen.

Filipanenge 1:9

A modľinav man vaš oda, hoj tumaro kamiben te barol buter a buter, hoj te prindžaren o čačipen a mištes te achaľon