Prislovja 18:6 - Le Devleskero Lav Andre Romaňi Čhib Slovensko 2021

⁶ O lava le dilineskre les dochuden furt andro vesekedišagi, mangel peske te chudel mariben.

Prislovja 18:6 ပူးပေါင်းရင်းမြစ်များ

Prislovja 27:3

O bar hino pharo the e poši but važinel, ale o pharipen, so kerel o dilino, hino phareder sar kala soduj.

Prislovja 29:9

Sar pes o goďaver sudzinel le dilineha, ča viskinel vaj asal a furt nane smirom.

Prislovja 25:24

Feder hin te bešel pro pados andro kutos sar andre jekh kher la čhibaľa romňaha.

Prislovja 20:3

Hin pre pačiv le manušeske, te pes zľikerel le vesekedišagendar, ale o dilino sig demel avri choľaha.

Prislovja 19:29

Pre ola, ko peske keren pheras savorestar, hin imar pripravimen o tresti, a pre savore diline o rani pal o dumo.

Prislovja 19:19

Ko hino furt choľamen, zaslužinel peske vaš oda te počinel, te leske pomožineha jekhvar, mušineha oda te kerel pale a pale.

Prislovja 17:14

Sar chudel o vesekedišagos, sar te pes mukľahas avri o paňi andral e hradza, vašoda preačh, medik na demel zorales avri.

Prislovja 14:16

O goďaver pes daral a džal het le nalačhipnastar, ale o dilino olestar na ačhel a sig kerel o veci.

Prislovja 14:3

O vakeriben le dilineskro hin e paca pre leskro dumo, ale o goďaver hino chraňimen peskre lavenca.

Prislovja 13:10

O baripen anel ča o mariben, no ola, ko peske den te phenel, hine goďaver.

Prislovja 12:16

O dilino sikavel peskri choľi takoj, no o goďaver peske na kerel ňič, sar leske dophenen.

Prislovja 22:10

Trade avri oles, ko tele dikhel o čačipen, a našľola o vesekedišagos a preačhela o reptišagos the e ladž.