Prislovja 18:5 - Le Devleskero Lav Andre Romaňi Čhib Slovensko 2021

⁵ Nane mištes te chudel paš o vinnovato a le čačipnaskres pro sudos te odčhivel.

Prislovja 18:5 ပူးပေါင်းရင်းမြစ်များ

O Job 34:19

Ov nane oda, ko chudel paš o raja abo del buter pačiv le barvales le čorestar; se ov stvorinďa savore manušen.

Žalmi 82:2

„Dži kana kamen te sudzinel načačipnaha a te ľikerel paš o nalačhe?

2. Mojžišoskro 23:2

Ma ľiker tut paš aver džene, kajte hine but, hoj te keres o nalačho. Sar svedčines pro sudos, ma previsar prekal lende o čačipen,

2. Mojžišoskro 23:3

aňi ma zaačh tut vaš ňikaske pro sudos vaš oda, hoj hino čoro manuš.

2. Mojžišoskro 23:6

Ma previsar o čačipen le čore manušeskro vaš leskri veca pro sudos.

Prislovja 17:15

Kala duj veci džungľon le RAJESKE: Te premukel le vinnovates abo te odsudzinel le čačipnaskres.

Prislovja 17:26

Nane mištes te del te počinel pokuta oles, ko ňič na kerďa, aňi te marel le lačhe manušes vaš o čačipen.

Prislovja 24:23

The kala lava phende o goďaver manuša: Nane mištes te chudel paš varekaste, sar sudzines:

Prislovja 28:21

Nane mištes te chudel paš varekaste pro sudos, no the avke pes vareko vaš jekh kotor maro del te prepočinel.

Prislovja 31:5

bo sar pijen, bisteren pro zakoni a previsaren o pravos savore čore manušengro.

Izajaš 5:23

ko vaš o love ospravedlňinen le binošnes, a le ňevinnenge len o spravodľišagos!

Izajaš 59:14

O čačipen pro sudos hino previsardo a o spravodľišagos hino thodo pre sera. Pro uľici pes na vakerel o čačipen a pro pačivalo vakeriben ode nane than.

3. Mojžišoskro 19:15

Ma previsar o čačipen pro sudos. Ma zaačh tut vaš ňikaske pro sudos vaš oda, hoj hino čoro abo barvalo, ale sudzin čačipnaha aver dženes.

Micheaš 3:9

Šunen kada, tumen, so ľidžan o kher le Jakoboskro, tumen vodcale, so ľidžan o Izrael! Tumen, so našťi avri ačhen o spravodľišagos a previsaren savoro, so hin čačipen!

Micheaš 7:3

Peskre vastenca džanen, sar pes kerel o nalačhipen. O vladci žadinen o dari, o sudci užaren o prepočiňiben, o zoralo rozkazinel avke, sar ov kamel, a jekhetane plaňinen, sar oda te kerel.

Matuš 22:16

Bičhade ke leste peskre učeňiken le Herodijanenca a on leske phende: „Učiťeľina, džanas, hoj sal čačipnaskro a sikaves le Devleskro drom andro čačipen. A na džal tuke pal oda, so o manuša phenen, bo na dikhes pro manuš.

5. Mojžišoskro 16:19

Ma previsar o čačipen pro sudos. Ma dikh pro manuš, ale sudzin pal oda, so ko kerel. Ma de tut te prepočinel le manušeske, bo oda korarel o jakha le goďaverengre a previsarel o lava le čačipnaskre manušengre.