Prislovja 18:3 - Le Devleskero Lav Andre Romaňi Čhib Slovensko 2021

³ O binos the e ladž aven jekhetane, te našaveha e pačiv, aveha teledikhlo.

Prislovja 18:3 ပူးပေါင်းရင်းမြစ်များ

Nehemiaš 4:4

Akor o manuša andre Judsko phende: „O murša imar na birinen te hordinel o bara. Kampel te pratinel but šmeci pal o kopi a amen na birinaha te dokerel o muri.“

Žalmi 69:20

Tu džanes, sar mange dophenen, sar mange keren ladž a asan mandar; tu prindžares savoren, ko pre ma džan.

Žalmi 69:9

Mire phrala man ľikeren sar cudzones, prekal o čhave mira dakre som cudzincos.

Prislovja 11:2

Sar avel o baripen, avel the e ladž, no goďaver hin oda, ko hino pokorno.

Prislovja 13:5

O lačho manuš našťi avri ačhel o falošna lava, ale o nalačho kerel oda, so hin džungalo a bi e ladž.

Prislovja 18:2

Le dilineske na džal pal oda, či achaľol vaj na; ča kamel te phenel peskro.

Prislovja 18:4

O goďaver lav hin sar o moros, andre savo našťi te dodžal dži tele, del dživipen sar o paňi, so čuľal avri andral o prameňis.

Prislovja 22:10

Trade avri oles, ko tele dikhel o čačipen, a našľola o vesekedišagos a preačhela o reptišagos the e ladž.

Prislovja 29:16

Sar vladňinen o nalačhe manuša, o nalačhipen barol, ale o čačipnaskre len dikhena te perel tele.

1. Peter 4:14

Te tumenge keren ladž vaš le Kristoskro nav, bachtale san, bo o Duchos la slavakro, o Duchos le Devleskro, ačhel pre tumende.

1. Peter 4:4

A sar imar lenca oda na keren a na dživen, avke rozmukles sar on, čudaľinen pes oleske a namištes pal tumende vakeren.

1. Samueloskro 20:30

Akor o Saul choľisaľiľa pro Jonatan a phenďa leske: „Tu čhavo la zacata napačivaľa džuvľakro!! Či me na džanav, hoj sal jekh le Izajoskre čhaha? Oda hin pre ladž tuke the tira dake!